పార్లమెంట్ (Parliament) 2026 వర్షాకాల సమావేశాల (Monsoon Sessions) షెడ్యూల్ను (Schedule) కేంద్ర ప్రభుత్వం (Central Government) ప్రకటించింది. పార్లమెంటరీ వ్యవహారాల మంత్రి కిరణ్ రిజిజు (Kiren Rijiju) వెల్లడించిన వివరాల ప్రకారం, సమావేశాలు జూలై 20 నుంచి ఆగస్టు 13 వరకు జరగనున్నాయి. కేంద్ర ప్రభుత్వ సిఫారసు మేరకు రాష్ట్రపతి (President) ద్రౌపది ముర్ము (Droupadi Murmu) సమావేశాలకు ఆమోదం తెలిపారు. ఈ సమావేశాల్లో దేశ ఆర్థిక వ్యవస్థ, జాతీయ భద్రత, అభివృద్ధి కార్యక్రమాలు, ప్రజా సంక్షేమం వంటి కీలక అంశాలపై లోక్సభ (Lok Sabha), రాజ్యసభల్లో (Rajya Sabha) విస్తృత చర్చలు జరగనున్నాయి. స్వాతంత్ర్య దినోత్సవానికి (Independence Day) ముందు ముగియనున్న ఈ సమావేశాల్లో దేశానికి సంబంధించిన పలు కీలక నిర్ణయాలు వెలువడే అవకాశం ఉంది.
ఈ వర్షాకాల సమావేశాల్లో ఎన్డీఏ ప్రభుత్వం (NDA Government) పలు కీలక బిల్లులను ప్రవేశపెట్టేందుకు సిద్ధమవుతోంది. ముఖ్యంగా మహిళా రిజర్వేషన్ (Women Reservation),, నియోజకవర్గాల పునర్విభజనకు (Constituencies Delimitation) సంబంధించిన 131వ రాజ్యాంగ సవరణ బిల్లును (Constitutional Amendment Bill) సవరణలతో మళ్లీ తీసుకురావచ్చని సమాచారం. అలాగే లోక్సభ, రాష్ట్ర అసెంబ్లీల సభ్యుల సంఖ్యను పెంచే ప్రతిపాదన కూడా చర్చకు వచ్చే అవకాశం ఉందని రాజకీయ వర్గాలు చెబుతున్నాయి. మరోవైపు ప్రతిపక్ష పార్టీలు నీట్ ప్రశ్నాపత్రం లీక్, అయోధ్య రామమందిర (Ayodhya Ram Mandir) విరాళాల వినియోగంపై ఆరోపణలు, పెట్రోల్-డీజిల్ ధరలు, ద్రవ్యోల్బణం, నిరుద్యోగం వంటి ప్రజా సమస్యలను సభలో బలంగా ప్రస్తావించేందుకు వ్యూహరచన చేస్తున్నాయి. దీంతో ఈసారి పార్లమెంట్ వర్షాకాల సమావేశాలు అధికార, ప్రతిపక్షాల మధ్య వాడివేడి చర్చలకు వేదిక కానున్నాయి.
