వర్షాకాలం (Monsoon Season) వచ్చిందంటే చల్లని వాతావరణంతో (Cool Weather) పాటు అనేక ఆరోగ్య సమస్యలు కూడా వెంట వస్తాయి. వాతావరణంలో తేమ పెరగడం, నీరు నిల్వ ఉండటం, దోమలు(Mosquitoes), బ్యాక్టీరియా (Bacteria) వేగంగా వ్యాప్తి చెందడం వల్ల డెంగ్యూ(Dengue), మలేరియా, వైరల్ ఫీవర్, టైఫాయిడ్ వంటి వ్యాధుల ముప్పు పెరుగుతుంది. అందుకే ఈ సీజన్లో వ్యక్తిగత పరిశుభ్రతకు అత్యంత ప్రాధాన్యం ఇవ్వాలి. తాగునీటిని (Drinking Water) మరిగించి లేదా శుద్ధి చేసి మాత్రమే తీసుకోవడం, బయట ఆహారం తినడం తగ్గించడం, తాజాగా వండిన వేడి ఆహారాన్ని తీసుకోవడం ఆరోగ్యాన్ని కాపాడటంలో కీలక పాత్ర పోషిస్తాయి. అలాగే ఇంటి పరిసరాల్లో నీరు నిల్వ (Water Stagnation) లేకుండా చూసుకోవడం ద్వారా దోమల వ్యాప్తిని అరికట్టవచ్చు.
ఇక రోగనిరోధక శక్తిని పెంచుకోవడం కూడా వర్షాకాలంలో(Monsoon Season) చాలా ముఖ్యం. విటమిన్-సి(Vitamin C), ప్రోటీన్లు, ఖనిజాలు అధికంగా ఉండే పండ్లు, ఆకుకూరలు, కూరగాయలు ఆహారంలో భాగం చేసుకోవాలి. రోజూ తగినంత నీరు తాగడం, వ్యాయామం చేయడం, సరిపడా నిద్రపోవడం శరీరాన్ని ఆరోగ్యంగా ఉంచుతాయి. జ్వరం, దగ్గు, జలుబు, విరేచనాలు వంటి లక్షణాలు కనిపిస్తే నిర్లక్ష్యం చేయకుండా వెంటనే వైద్యులను సంప్రదించడం మంచిది. సరైన జాగ్రత్తలు పాటిస్తే వర్షాకాలంలో వచ్చే అనారోగ్య సమస్యలకు దూరంగా ఉండి, ఈ సీజన్ను సురక్షితంగా ఆస్వాదించవచ్చు.
