చంద్రబాబు (Chandrababu) అధికారంలో ఉంటే రాష్ట్రంలో వ్యవస్థలన్నీ(Systems) కుప్పకూలిపోతాయని, సరిగ్గా పనిచేయవని అనడానికి నేడు సుప్రీంకోర్టు (Supreme Court) చేసిన వ్యాఖ్యలే ప్రత్యక్ష నిదర్శనమని వైసీపీ(YSRCP) సీనియ‌ర్ నేత, మాజీ మంత్రి ధర్మాన ప్రసాదరావు(Dharmana Prasada Rao) తీవ్రస్థాయిలో మండిపడ్డారు.
రాజ్యాంగ విరుద్ధంగా ప్రజాస్వామ్యాన్ని(Democracy) కూని చేస్తే దేశ అత్యున్నత న్యాయస్థానం ఎట్టి పరిస్థితుల్లోనూ ఊరుకోదని స్పష్టం చేశారు. ఏపీలో నెలకొన్న ప్రస్తుత దుస్థితికి సుప్రీంకోర్టు వ్యాఖ్యలే అద్దం పడుతున్నాయని ఆయన పేర్కొన్నారు.
రాష్ట్రంలో పోలీసు వ్యవస్థ (Police System) పూర్తిగా గాడితప్పిందని, ఎన్నికల సంఘం (SEC) కూడా స్వేచ్ఛగా పనిచేయలేని దుస్థితిలో కూటమి ప్రభుత్వం (Coalition Government) ఉందని సుప్రీంకోర్టు వ్యాఖ్యలు స్పష్టం చేస్తున్నాయని ధర్మాన తెలిపారు.
నామినేషన్ల ప్రక్రియలో(Nomination Process) అభ్యర్థులకు పూర్తి భద్రత కల్పించాలని, ఎవరికైనా స్వేచ్ఛగా నామినేషన్లు వేసుకునే అవకాశం కల్పించాలని సుప్రీంకోర్టు నేరుగా డీజీపీని(DGP), ఈసీని (EC) ఆదేశించిందని గుర్తుచేశారు. రాజ్యాంగ విరుద్ధమైన పాలన రాష్ట్రంలో జరుగుతోందని కోర్టులే స్వయంగా గుర్తించాయని అన్నారు.
రాజ్యాంగ విరుద్ధంగా, ప్రజాస్వామ్య ఖూనీకి పాల్పడుతూ పాలన సాగిస్తున్నవారు తక్షణమే తమ పదవులకు రాజీనామా చేసి వెళ్లిపోవాలని డిమాండ్ చేశారు. ఇది కేవలం ఒక సాధారణ ఎన్నికలకు సంబంధించిన అంశం కాదని, యావత్ రాష్ట్ర పాలనా వ్యవస్థ మనుగడకు సంబంధించిన కీలక అంశమని స్పష్టం చేశారు.
అత్యున్నత న్యాయస్థానం జారీ చేసిన డైరెక్షన్లను వైసీపీ తరఫున పూర్తిగా స్వాగతిస్తున్నట్లు ధర్మాన తెలిపారు. ఎన్నికల సమయంలో పూర్తిగా ఇండిపెండెంట్‌గా, నిష్పక్షపాతంగా వ్యవహరించాల్సిన పోలీస్ వ్యవస్థ (Police System) అధికార పార్టీకి కొమ్ముకాయడం, ఏకపక్షంగా పనిచేయడం క్షమించరాని నేరమని, అది అక్షరాలా దేశద్రోహం కిందకే వస్తుందని ఆయన తీవ్రంగా హెచ్చరించారు.
