కర్ణాటకలో(Karnataka) జరిగిన ఘోర రైలు ప్రమాదంలో(Train Accident) ఆంధ్రప్రదేశ్కు(Andhra Pradesh) చెందిన ముగ్గురు మృతి చెందారు. దొడ్డబళ్లాపుర రైల్వే స్టేషన్(Doddaballapura Railway Station) వద్ద ట్రాక్ దాటుతుండగా రైలు ఢీకొనడంతో ఈ విషాద ఘటన చోటుచేసుకుంది. మృతులను అనంతపురం జిల్లా హిందూపురానికి చెందిన ఇర్ఫాన్ (Irfan – 46), కురియా (Kuria – 13), రాకియా(Rakia – 8)గా గుర్తించారు.
పోలీసులు తెలిపిన వివరాల ప్రకారం.. ఆదివారం సెలవు కావడంతో వీరంతా దొడ్డబళ్లాపురంలోని బంధువుల ఇంటికి వెళ్లారు. సోమవారం తిరిగి తమ స్వస్థలానికి బయలుదేరారు. రైలు ఎక్కేందుకు ఒక ప్లాట్ఫామ్ నుంచి మరో ప్లాట్ఫామ్కు వెళ్లే క్రమంలో వారు ట్రాక్పైకి(Railway Track) వెళ్లినట్లు తెలుస్తోంది. అదే సమయంలో అటుగా వచ్చిన రైలు వారిని ఢీకొట్టడంతో ముగ్గురూ అక్కడికక్కడే మృతి చెందారు.
సమాచారం అందుకున్న యలహంక రైల్వే పోలీసులు (Yelahanka Railway Police) వెంటనే ఘటనా స్థలానికి చేరుకున్నారు. మృతదేహాలను స్వాధీనం చేసుకుని ఆస్పత్రికి తరలించారు. మృతుల వివరాలను నిర్ధారించిన పోలీసులు.. వారి బంధువులకు సమాచారం అందించారు. ఈ ఘటనపై కేసు నమోదు చేసి దర్యాప్తు చేపట్టారు. సెలవు రోజు బంధువుల ఇంటికి వెళ్లి తిరిగి వస్తున్న సమయంలో ఈ ప్రమాదం జరగడంతో హిందూపురంలో విషాదం నెలకొంది.
