తెలంగాణను పెట్టుబడులకు అత్యంత సురక్షితమైన, అనుకూలమైన గమ్యస్థానంగా తీర్చిదిద్దడమే ప్రభుత్వ ప్రధాన లక్ష్యమని ఉప ముఖ్యమంత్రి భట్టి విక్రమార్క (Bhatti Vikramarka) తెలిపారు. హైదరాబాద్‌లో(Hyderabad) జరుగుతున్న ‘సమాఖ్య గ్లోబల్ బిజినెస్ మీట్‌–2026’లో(Samakhya Global Business Meet–2026) పాల్గొన్న ఆయన, ప్రపంచవ్యాప్తంగా ఉన్న పారిశ్రామికవేత్తలు తెలంగాణలో పెట్టుబడులు పెట్టి రాష్ట్ర అభివృద్ధిలో భాగస్వాములు కావాలని పిలుపునిచ్చారు. పెట్టుబడిదారులకు ప్రభుత్వం అన్ని విధాలా సహకారం అందిస్తుందని భరోసా ఇచ్చారు.
పరిశ్రమల స్థాపనకు అవసరమైన భూమి(Land), నిరంతర విద్యుత్‌(Uninterrupted Power Supply), నీటి సదుపాయాలతో(Water Facilities) పాటు సింగిల్‌ విండో విధానం ద్వారా త్వరితగతిన అనుమతులు అందిస్తున్నామని భట్టి విక్రమార్క వెల్లడించారు. ఫార్మా(Pharma), బయోటెక్నాలజీ(Biotechnology), ఐటీ(IT), ఆర్టిఫిషియల్ ఇంటెలిజెన్స్‌(Artificial Intelligence – AI) రంగాల అభివృద్ధికి ప్రత్యేక పారిశ్రామిక క్లస్టర్లను ఏర్పాటు చేస్తున్నట్లు తెలిపారు. ఔటర్‌ రింగ్‌ రోడ్‌(Outer Ring Road – ORR), రీజినల్‌ రింగ్‌ రోడ్‌ (Regional Ring Road – RRR) మధ్య క్లస్టర్ల అభివృద్ధితో పాటు 21 రేడియల్‌ రోడ్లకు సంబంధించిన పనులు కొనసాగుతున్నాయని పేర్కొన్నారు. గ్రామీణ ప్రాంతాల్లో వ్యవసాయ ఆధారిత పరిశ్రమలకూ ప్రోత్సాహం అందిస్తున్నామని చెప్పారు.
రాష్ట్ర ఆర్థికాభివృద్ధిలో పరిశ్రమలు, సేవారంగాలు కీలక పాత్ర పోషిస్తున్నాయని ఉప ముఖ్యమంత్రి పేర్కొన్నారు. ప్రపంచ వ్యాపారవేత్తలను హైదరాబాద్‌కు తీసుకురావడం తెలంగాణకు గొప్ప అవకాశమని అభిప్రాయపడ్డారు. పారిశ్రామికవేత్తలు లాభాలకే పరిమితం కాకుండా, తమ వ్యాపార అనుభవాన్ని ఇతర వర్గాలతో పంచుకుంటూ సమ్మిళిత అభివృద్ధికి సహకరించాలని కోరారు. ముఖ్యమంత్రి రేవంత్‌ రెడ్డి(Revanth Reddy) నాయకత్వంలో పారిశ్రామిక అనుకూల విధానాలను అమలు చేస్తూ తెలంగాణను దేశంలోనే అగ్రగామి రాష్ట్రంగా తీర్చిదిద్దేందుకు ప్రభుత్వం కృషి చేస్తోందని భట్టి విక్రమార్క స్పష్టం చేశారు.
