శ్రీలంకలో (Sri Lanka) జరుగుతున్న ముక్కోణపు వన్డే సిరీస్లో (Tri-Series ODI Series) భారత్-ఎ, శ్రీలంక-ఎ మధ్య జరిగిన మ్యాచ్ క్రికెట్ అభిమానులకు థ్రిల్లర్ను తలపించగా.. చివర్లో చోటుచేసుకున్న వివాదం మరింత సంచలనంగా మారింది. మ్యాచ్ టై కావడంతో సూపర్ ఓవర్ (Super Over) నిర్వహించగా శ్రీలంక విజయం సాధించింది. అయితే మ్యాచ్ ముగిసిన వెంటనే భారత యువ సంచలనం వైభవ్ సూర్యవంశీ (Vaibhav Suryavanshi) శ్రీలంక ఆటగాడు విశెన్ హలంబగేతో (Vishen Halambage) వాగ్వాదానికి దిగడం చర్చనీయాంశమైంది. ‘మ్యాచ్ అయిపోయింది.. ఇప్పుడు ఇంటికి వెళ్లిపో’ అంటూ హలంబగే చేసిన వ్యాఖ్యలే వైభవ్ ఆగ్రహానికి కారణమయ్యాయని సమాచారం. ఇరు జట్ల ఆటగాళ్లు, అధికారులు జోక్యం చేసుకుని పరిస్థితిని అదుపులోకి తీసుకురావడంతో పెద్ద ఘర్షణ తప్పింది. ఈ ఘటనకు సంబంధించిన వీడియోలు సోషల్ మీడియాలో వైరల్ అవుతున్నాయి.
మరోవైపు సూపర్ ఓవర్ నిర్వహణపైనా భారీ గందరగోళం నెలకొంది. వెలుతురు (Lighting) సరిగా లేకపోయినా అంపైర్లు మ్యాచ్ను కొనసాగించడంపై ప్రశ్నలు తలెత్తాయి. సూపర్ ఓవర్లో శ్రీలంక 16 పరుగులు చేయగా, 17 పరుగుల లక్ష్యంతో బరిలోకి దిగిన భారత్ ఒత్తిడిని తట్టుకోలేక ఓటమిపాలైంది. అంతకుముందు భారత జట్టుకు విధించిన 10 పరుగుల పెనాల్టీ కూడా మ్యాచ్ ఫలితాన్ని ప్రభావితం చేసిన కీలక అంశంగా మారింది. ఈ వివాదాల నేపథ్యంలో శ్రీలంక డ్రెస్సింగ్రూమ్లో కూడా చర్చ జరిగినట్లు సమాచారం. ఆటగాళ్ల మధ్య జరిగిన ఘర్షణపై మ్యాచ్ రిఫరీ నివేదిక (Match Referee Report) ఆధారంగా చర్యలు తీసుకునే అవకాశం ఉండటంతో ఈ వ్యవహారం ఇప్పుడు క్రికెట్ వర్గాల్లో హాట్ టాపిక్గా మారింది.
‘మై డియర్ చార్లెస్ శోభరాజ్’.. టీడీపీ ఎంపీకి కేశినేని కౌంటర్