టీమిండియా మాజీ కెప్టెన్ ఎంఎస్ ధోనీపై మాజీ ఆల్రౌండర్ ఇర్ఫాన్ పఠాన్ గతంలో చేసిన వివాదాస్పద వ్యాఖ్యలు ఇప్పుడు సోషల్ మీడియాలో మళ్ళీ వైరల్ అవుతున్నాయి. తన కెరీర్ పతనానికి ధోనీ కారణమని పఠాన్ పరోక్షంగా ఆరోపించాడు. హుక్కా తాగే అలవాటు ఉన్న ఆటగాళ్లకే ధోనీ జట్టులో ప్రాధాన్యత ఇచ్చేవారని, తాను హుక్కా తాగనందునే తనను జట్టు నుంచి తొలగించారని పఠాన్ పేర్కొన్నాడు.
పఠాన్ కెరీర్.. ధోనీ నిర్ణయాలు
2003-04లో సౌరవ్ గంగూలీ కెప్టెన్సీలో ఆస్ట్రేలియా పర్యటనలో ఇర్ఫాన్ పఠాన్ అరంగేట్రం చేశాడు. ఒక దశలో అతను మూడు ఫార్మాట్లలోనూ టీమిండియాలో కీలక ఆల్రౌండర్గా ఎదిగాడు. అయితే, 2009లో అతని కెరీర్ మలుపు తిరిగింది. 2011 వన్డే ప్రపంచకప్కు ముందు అతని ఫామ్ పూర్తిగా తగ్గింది. దీనితో అతనికి జట్టులో చోటు దక్కలేదు. అతని స్థానంలో అన్నయ్య యూసుఫ్ పఠాన్, బ్యాకప్గా సురేష్ రైనా ఎంపికయ్యారు. అంతకు ముందు 2009లో శ్రీలంకతో జరిగిన ఒక మ్యాచ్లో ఇర్ఫాన్, యూసుఫ్ అద్భుత ప్రదర్శన చేసి జట్టుకు విజయం అందించారు.
ఆ కీలక విజయం తర్వాత ఇర్ఫాన్ పఠాన్ను జట్టు నుంచి తొలగించారు. అప్పటి కోచ్ గ్యారీ కిర్స్టెన్ను దీని గురించి అడగ్గా, కొన్ని విషయాలు తన చేతుల్లో ఉండవని, తుది జట్టు ఎంపిక కెప్టెన్ ధోనీదేనని చెప్పారని ఇర్ఫాన్ పేర్కొన్నాడు. అంతేకాక, జట్టుకు ఏడో స్థానంలో బ్యాటింగ్ ఆల్రౌండర్ అవసరమని భావించినట్లు కిర్స్టెన్ చెప్పారని వెల్లడించాడు.
పఠాన్ చేసిన వ్యాఖ్యలు
“నాకు ఎవరి గదిలో హుక్కా తాగే అలవాటు లేదు. ఎవరు ఏమి చేసేవారో అందరికీ తెలుసు. ఒక క్రికెటర్ పని మైదానంలో బాగా ఆడటం. నేను దానిపై మాత్రమే దృష్టి పెట్టాను” అని పఠాన్ చెప్పాడు. ఈ వ్యాఖ్యలు చేసిన సమయంలో ఎంఎస్ ధోనీ హుక్కా తాగుతున్న వీడియోలు కూడా వైరల్ అయ్యాయి. ఈ నేపథ్యంలోనే హుక్కా తాగే ఆటగాళ్లకే ధోనీ ప్రాధాన్యత ఇచ్చేవారనే ఆరోపణలు బలపడ్డాయి.
