ఓట్ల తొలగింపు ‘తడిగుడ్డతో గొంతు కోసే’ చర్య

తనను గుండెల్లో పెట్టుకోవ‌డం వ‌ల్లే కొడంగ‌ల్ నియోజ‌క‌వ‌ర్గానికి(Kodangal Constituency) జాతీయ స్థాయిలో (National Level)గుర్తింపు, గౌరవం లభించిందని తెలంగాణ ముఖ్యమంత్రి(Telangana Chief Minister) రేవంత్ రెడ్డి(Revanth Reddy) అన్నారు. కొడంగల్‌లో కాంగ్రెస్ పార్టీ(Congress Party) కార్యకర్తలు, నాయకులతో నిర్వహించిన సమావేశంలో ఆయన మాట్లాడారు. ఈ సందర్భంగా కేంద్రంలోని బీజేపీ ప్రభుత్వంపై(BJP Government) తీవ్ర ఆరోపణలు చేశారు.

SIR పేరుతో ఓట్లను తొలగించే కుట్రకు బీజేపీ పాల్పడుతోందని రేవంత్ రెడ్డి ఆరోపించారు. బీజేపీయేతర ప్రభుత్వాలు ఉన్న రాష్ట్రాలను లక్ష్యంగా చేసుకుని ఓట్ల తొలగింపునకు ప్రయత్నాలు జరుగుతున్నాయని విమర్శించారు. మహారాష్ట్ర(Maharashtra), బీహార్(Bihar), బెంగాల్ ఎన్నికల్లో(West Bengal) ఇదే తరహాలో గెలిచారని, ఇప్పుడు తెలంగాణలోనూ అదే విధంగా విజయం సాధించాలని బీజేపీ ప్రయత్నిస్తోందని ఆరోపించారు.

తెలంగాణలో దొంగదెబ్బ తీయాలని చూస్తే కాంగ్రెస్ కార్యకర్తలు చూస్తూ ఊరుకోరని రేవంత్ రెడ్డి హెచ్చరించారు. ఎన్నికల్లో ఎలాగైనా గెలవాలనే ఉద్దేశంతో కాంగ్రెస్ అనుకూల ఓట్లను తొలగించాలని చూస్తున్నారని అన్నారు. ముఖ్యంగా ఎస్సీ, ఎస్టీ, మైనారిటీ వర్గాల ఓట్లను లక్ష్యంగా చేసుకుంటున్నారని ఆరోపించారు.

గతంలో ఎన్నికల్లో ప్రత్యర్థులను ఓడించేందుకు ఈడీ(ED), సీబీఐ(CBI) వంటి కేంద్ర దర్యాప్తు సంస్థలను ఉపయోగించేవారని రేవంత్ రెడ్డి విమర్శించారు. ఇప్పుడు ఓట్ల తొలగింపు ద్వారా ‘తడిగుడ్డతో గొంతు కోసే’ చర్యలకు పాల్పడుతున్నారని తీవ్ర వ్యాఖ్యలు చేశారు. చిన్నచిన్న తప్పిదాలను సాకుగా చూపి పేదల ఓట్లను తొలగించే కుట్ర జరుగుతోందని ఆరోపించారు. కాంగ్రెస్‌ను ఓడించేందుకు ఈ కుట్రలో బీఆర్ఎస్ కూడా బీజేపీకి మద్దతు ఇస్తోందని రేవంత్ రెడ్డి విమర్శించారు.

ప్రతి ఒక్కరూ తమ ఓటు హక్కును కాపాడుకోవాల్సిన బాధ్యత ఉందని రేవంత్ రెడ్డి అన్నారు. ప్రజల ఓట్లను(People’s Votes) కాపాడాల్సిన బాధ్యత పార్టీ ముఖ్య నాయకులపై ఉందని పేర్కొన్నారు. గ్రామాల వారీగా బూత్ లెవల్ ఏజెంట్లను(Booth Level Agents – BLAs) సమన్వయం చేసుకుని పేదల ఓట్లు తొలగిపోకుండా చూడాలని సూచించారు.

సంబంధిత మండలాల నాయకులు ఓట్ల పరిరక్షణపై ప్రత్యేక దృష్టి పెట్టాలని ఆదేశించారు. ప్రతి నాలుగు గ్రామాలకు ఒక నాయకుడు బాధ్యత తీసుకోవాలని, ప్రతి బూత్‌లో ఒక్క ఓటు కూడా తొలగిపోకుండా అప్రమత్తంగా ఉండాలని సూచించారు.