మరోసారి టీమిండియా కెప్టెన్‌గా విరాట్?

టీమిండియా స్టార్ బ్యాటర్ విరాట్ కోహ్లి మరోసారి సారథ్య బాధ్యతలు చేపట్టే అవకాశం ఉందని సమాచారం. ఆసీస్‌తో సిరీస్ ముగిసిన తర్వాత రోహిత్ శర్మ టెస్టులకు గుడ్‌బై చెప్పే అవకాశం ఉందని క్రికెట్ వర్గాల్లో చర్చ జరుగుతోంది. బోర్డర్-గవాస్కర్ ట్రోఫీ తర్వాత టీమిండియా మేనేజ్‌మెంట్ కీలక నిర్ణయాలు తీసుకునే అవకాశం ఉందని తెలుస్తోంది. ఈ పరిణామాల నేపథ్యంలో రోహిత్ కెప్టెన్సీ నుంచి తప్పుకోవడం లేదా స్వయంగా వైదొలగడం జరిగితే, సీనియర్ ఆటగాడైన విరాట్ కోహ్లికి మళ్లీ కెప్టెన్సీ బాధ్యతలు అప్పగించబోతున్నట్లు సమాచారం.