తమిళ సినీ నటుడు విజయ్ ఎన్నికల అఫిడవిట్పై పెద్ద వివాదం చెలరేగింది. ఆయన పెరంబూరు మరియు తిరుచ్చి ఈస్ట్ అనే రెండు నియోజకవర్గాల నుంచి పోటీ చేస్తూ సమర్పించిన ఫాం 26 అఫిడవిట్లలో ఆస్తుల వివరాల్లో భారీ వ్యత్యాసం ఉన్నట్లు ఆరోపణలు వెల్లువెత్తాయి. ఒక అఫిడవిట్లో తన చరాస్తుల విలువను సుమారు రూ. 224 కోట్లుగా చూపించగా, మరో అఫిడవిట్లో అది రూ. 105 కోట్లుగా మాత్రమే పేర్కొన్నట్లు పిటిషనర్ వి. విఘ్నేష్ కోర్టు దృష్టికి తీసుకువచ్చారు. ఈ రెండు వివరాల మధ్య రూ. 100 కోట్లకు పైగా తేడా ఉండటం రాజకీయ వర్గాల్లో చర్చనీయాంశంగా మారింది.
ఈ అంశంపై స్పందించిన మద్రాస్ కోర్టు దీనిని “అసంగతం”గా పేర్కొంటూ వివరణ కోరింది. అయితే తుది నిర్ణయం తీసుకోకుండా, నటుడు విజయ్ మరియు ఈసీఐ కు నోటీసులు జారీ చేసింది. సంబంధిత పక్షాల నుంచి సమాధానాలు అందిన తరువాత తదుపరి విచారణ చేపడతామని కోర్టు వెల్లడించింది. ఈ పరిణామం తమిళనాడు రాజకీయాల్లో మళ్లీ కొత్త చర్చలకు దారితీస్తోంది.
