భారత క్రికెట్ జట్టులో (India Cricket Team) కీలక మార్పు చోటుచేసుకుంది. స్టార్ పేసర్ మహ్మద్ సిరాజ్ను (Mohammed Siraj) ఐర్లాండ్(Ireland), ఇంగ్లండ్తో (England) జరగనున్న టీ20 సిరీస్ల నుంచి తప్పిస్తూ బీసీసీఐ(BCCI) సంచలన నిర్ణయం తీసుకుంది. అయితే ఇది గాయం (Injury) కారణంగా కాదని, అతని పనిభారాన్ని నియంత్రించేందుకు ముందస్తు జాగ్రత్త చర్యగా విశ్రాంతి కల్పించినట్లు బోర్డు స్పష్టం చేసింది. వరుస అంతర్జాతీయ మ్యాచ్లు, రాబోయే కీలక టోర్నీలను దృష్టిలో ఉంచుకుని సిరాజ్ ఫిట్నెస్ను (Fitness) కాపాడేందుకే ఈ నిర్ణయం తీసుకున్నట్లు వెల్లడించింది.
బీసీసీఐ వైద్య బృందం (BCCI Medical Team), జట్టు యాజమాన్యంతో జరిగిన చర్చల అనంతరం సిరాజ్కు విశ్రాంతి అవసరమని నిర్ణయించినట్లు సమాచారం. అతని స్థానంలో వేగవంతమైన బౌలర్ ప్రసిద్ధ్ కృష్ణకు (Prasidh Krishna) జట్టులో అవకాశం కల్పించారు. గత కొంతకాలంగా భారత బౌలింగ్ దళంలో కీలక పాత్ర పోషిస్తున్న సిరాజ్కు విశ్రాంతి ఇవ్వడం అభిమానుల్లో చర్చనీయాంశంగా మారింది. పూర్తి స్థాయిలో సన్నద్ధమై తిరిగి జట్టులోకి వచ్చి కీలక సిరీస్ల్లో సత్తా చాటాలని అభిమానులు ఆశాభావం వ్యక్తం చేస్తున్నారు.
