తెలంగాణ రాజకీయాల్లో (Telangana Politics) మరోసారి మాటల యుద్ధం వేడెక్కింది. బీఆర్ఎస్ఎల్పీ (BRSLP) ఉపనాయకుడు హరీశ్రావు (Harish Rao) సీఎం రేవంత్రెడ్డి ప్రభుత్వంపై (Revanth Reddy Government) తీవ్ర ఆరోపణలు చేశారు. రాష్ట్ర చరిత్రలో ఎన్నడూ లేని విధంగా అప్పులు (Loans) తెచ్చుకునేందుకు ముంబైకి (Mumbai) చెందిన ఓ బ్రోకర్కు వందల కోట్ల రూపాయల కమీషన్లు (Commissions) చెల్లించారని ఆయన ఆరోపించారు. ఆ కమీషన్లతోనే ఆ బ్రోకర్ విమానం (Aircraft) కూడా కొనుగోలు చేశాడని సంచలన వ్యాఖ్యలు చేశారు. త్వరలోనే దీనికి సంబంధించిన ఆధారాలను ప్రజల ముందుకు తీసుకొస్తామని ప్రకటించిన హరీశ్రావు, ప్రభుత్వ ఖర్చులు కూడా అదుపు తప్పాయని విమర్శించారు. వీవీఐపీ గెస్ట్హౌస్(VVIP Guest House), హెలికాప్టర్ అద్దెలు(Helicopter Rentals), ఇతర విలాసవంతమైన వ్యయాలపై కూడా ఆయన ప్రశ్నలు లేవనెత్తారు.
అంతేకాకుండా విద్యార్థుల (Students) యూనిఫాంలు, బూట్లు, బెల్ట్ల కొనుగోళ్లలో రూ.2,000 కోట్ల కుంభకోణం జరిగిందని ఆరోపించారు. గతంలో చేనేత సహకార సంస్థల ద్వారా సరఫరా చేసిన వస్తువులను ఇప్పుడు ప్రైవేట్ సంస్థలకు అప్పగించి భారీ కమీషన్లు తీసుకున్నారని విమర్శించారు. పాఠశాలలు ప్రారంభమైనా విద్యార్థులకు యూనిఫాంలు, పాఠ్యపుస్తకాలు అందలేదని మండిపడ్డారు. ఫార్మాసిటీ రద్దుతో రూ.70 వేల కోట్ల పెట్టుబడులు రాష్ట్రం నుంచి వెళ్లిపోయాయని, మీనాక్షి నటరాజన్ (Meenakshi Natarajan) కేసు వివరాల లీక్పైనా విచారణ జరపాలని డిమాండ్ చేశారు. హరీశ్రావు చేసిన ఈ వ్యాఖ్యలు తెలంగాణ రాజకీయాల్లో మరోసారి తీవ్ర చర్చకు దారితీశాయి.
బాబు పాలనలో గంజాయి పంటకే గిట్టుబాటు ధర