ఆంధ్రప్రదేశ్(Andhra Pradesh) ప్రభుత్వ ఉపాధ్యాయులపై (Government Teachers) సస్పెన్షన్ (Suspension) వేటు వేయడంపై విమర్శలు వెల్లువెత్తుతున్నాయి. ఇన్ సర్వీస్ టీచర్లకు (In-Service Teachers) టెట్(TET) నుంచి మినహాయింపు ఇవ్వాలంటూ పోరాడుతున్న ఉపాధ్యాయులపై విద్యాశాఖ (Education Department) కక్షపూరితంగా వ్యవహరిస్తోందని వైఎస్సార్ టీచర్స్ అసోసియేషన్ (YSR Teachers Association) ప్రతినిధులు ఆరోపిస్తున్నారు. స్వాతంత్ర్య దినోత్సవం సందర్భంగా ముగ్గురు ఉపాధ్యాయులను ప్రభుత్వం సస్పెండ్ చేయడం వివాదానికి దారితీసింది.
లక్షలాది మంది ఇన్ సర్వీస్ టీచర్లకు సంబంధించిన టెట్ మినహాయింపు అంశంపై కేంద్ర మంత్రి ప్రహ్లాద్ జోషిని (Prahlad Joshi) కలసి వినతిపత్రం అందించిన వైసీపీ ఎంపీలు(YSRCP MPs), ఎమ్మెల్సీల(YSRCP MLCs) బృందంతో వెళ్లారన్న కారణంతో సంగమేశ్వర రెడ్డి(Sangameswara Reddy), అమరనాథ రెడ్డి(Amarnath Reddy), వెంకటనాథ రెడ్డిలపై (Venkatanatha Reddy) సస్పెన్షన్ వేటు వేసినట్లు ఆరోపణలు ఉన్నాయి. ఉపాధ్యాయుల సమస్యను కేంద్ర మంత్రి దృష్టికి తీసుకెళ్లడం తప్పుగా ఎలా పరిగణిస్తారని టీచర్లు ప్రశ్నిస్తున్నారు.
కేంద్ర మంత్రి ప్రహ్లాద్ జోషిని కలిసిన బృందంలో తాము లేనప్పటికీ ముగ్గురు ఉపాధ్యాయులను సస్పెండ్ చేశారని ఉపాధ్యాయ సంఘాల ప్రతినిధులు ఆరోపిస్తున్నారు. ఇన్ సర్వీస్ టీచర్లకు టెట్ మినహాయింపు కోరుతూ గతంలో వైఎస్ జగన్కు (YS Jagan) వినతిపత్రం అందించినందుకే ప్రభుత్వం తమపై కక్ష పెంచుకుందని వారు విమర్శిస్తున్నారు.
కడప (Kadapa) జిల్లాలో మరో ఉపాధ్యాయుడిపై కూడా తప్పుడు ఆరోపణలతో సస్పెన్షన్ వేటు వేశారని వైఎస్సార్ టీచర్స్ అసోసియేషన్ ఆరోపించింది. డీఎస్సీ అక్రమాలకు (DSC Allegations) వ్యతిరేకంగా నిర్వహించిన ర్యాలీలో పాల్గొన్నారనే అభియోగాలతో చర్యలు తీసుకున్నారని పేర్కొంది. కడప డీఈవో(Kadapa DEO) తప్పుడు ఆరోపణల ఆధారంగా సస్పెన్షన్ ఉత్తర్వులు ఇచ్చారని ఉపాధ్యాయ సంఘం ఆరోపిస్తోంది.
ప్రభుత్వ పాఠశాలల్లో పనిచేస్తున్న ఉపాధ్యాయులపై రాజకీయ కక్ష సాధింపుతో చర్యలు తీసుకుంటున్నారని ప్రభుత్వంపై ఉపాధ్యాయ సంఘాలు మండిపడుతున్నాయి. విద్యాశాఖలోనూ ‘రెడ్ బుక్’(Red Book) తరహా విధానాన్ని అమలు చేస్తున్నారంటూ విమర్శలు వ్యక్తం చేస్తున్నాయి. ఇన్ సర్వీస్ టీచర్లకు టెట్ మినహాయింపు, డీఎస్సీకి సంబంధించిన అంశాలపై తమ గళం వినిపిస్తున్న ఉపాధ్యాయులను సస్పెన్షన్లతో భయపెట్టే ప్రయత్నం చేస్తున్నారని సంఘం ఆరోపించింది.
