ఉపాధి హామీ అమలులో చంద్ర‌బాబు విఫలం..- వైఎస్ జగన్ ఆగ్రహం

చంద్ర‌బాబు ప్రభుత్వ అసమర్థత (Chandrababu Government Inefficiency), అంతులేని అవినీతి (Corruption) కారణంగా గ్రామీణ ఆర్థిక వ్యవస్థ (Rural Economic System) కుప్పకూలుతోందని మాజీ సీఎం, వైసీపీ అధినేత వైఎస్ జ‌గ‌న్ (YS Jagan) తీవ్ర ఆగ్ర‌హం వ్య‌క్తం చేశారు. ఏపీలో(AP) ఉపాధి హామీ పథకం (MGNREGA) అమలుపై వైఎస్ జగన్ తీవ్రస్థాయిలో ధ్వజమెత్తారు. మంగళవారం ఆయన ట్విట్టర్ వేదికగా చంద్రబాబు నాయుడు (Chandrababu Naidu) నేతృత్వంలోని కూటమి ప్రభుత్వంపై విమర్శలు గుప్పించారు.

గ్రామీణ ఆర్థిక వ్యవస్థకు వెన్నెముక ‘ఉపాధి’
గ్రామీణ ప్రాంతాల్లో (Rural Areas) ప్రజల కొనుగోలు శక్తిని (Purchasing Power) పెంచడానికి, వారికి స్థిరమైన ఆదాయం చేకూర్చడానికి ఉపాధి హామీ పథకం అత్యంత కీలకమని జగన్ పేర్కొన్నారు. గతంలో ఆంధ్రప్రదేశ్ ఈ పథకం అమలులో దేశంలోనే అత్యుత్తమ రాష్ట్రాల్లో ఒకటిగా ఉండేదని, కానీ గడిచిన రెండేళ్ల కూటమి పాలనలో రాష్ట్రం పూర్తిగా వెనుకబడిపోయిందని విమర్శించారు.

ప్ర‌జ‌ల్లో తగ్గుతున్న కొనుగోలు శక్తి
కేంద్ర గ్రామీణాభివృద్ధి మంత్రిత్వ శాఖ (Union Rural Development Ministry) గణాంకాలను ఉటంకిస్తూ జగన్ పలు కీలక విషయాలను వెల్లడించారు. గత రెండేళ్లలో లేబర్ బడ్జెట్ (Labour Budget), ఉపాధి పొందిన కుటుంబాల సంఖ్య, చేసిన వ్యయం వంటి అన్ని పారామీటర్లలోనూ గణనీయమైన తగ్గుదల కనిపిస్తోంది. గ్రామీణ ప్రజలకు ఆదాయం తగ్గడంతో వారి కొనుగోలు శక్తి పడిపోయింది. రాష్ట్రంలో జీఎస్టీ (GST), అమ్మకపు పన్ను (Sales Tax) వృద్ధి రేటు (Growth Rate) తక్కువగా ఉండటానికి గ్రామీణ ఆర్థిక వ్యవస్థ దెబ్బతినడమే ప్రధాన కారణమని ఆయన విశ్లేషించారు.

అవినీతి వలనే ఈ దుస్థితి
కూటమి ప్రభుత్వం (Coalition Government) కేవలం ధనదాహం, అవినీతిపైనే దృష్టి పెట్టిందని, ప్రజా సమస్యలను పట్టించుకునే తీరిక వారికి లేదని జగన్ మండిపడ్డారు. “అంతులేని అవినీతితో గ్రామీణ వ్యవస్థను నిర్వీర్యం చేస్తున్నారు. ప్రజలు ఎదుర్కొంటున్న ఇబ్బందులపై దృష్టి సారించే ఓపిక కూడా ఈ ప్రభుత్వానికి లేదు” అని ఆయన విమర్శించారు. ఉపాధి హామీ పథకాన్ని అటకెక్కించి, పల్లె ప్రజల పొట్ట కొడుతున్నారని, ప్రభుత్వ ప్రాధాన్యతలు కేవలం సంపాదన చుట్టూనే తిరుగుతున్నాయి తప్ప, పేదల సంక్షేమం గురించి ఆలోచించడం లేదని మండిప‌డ్డారు.

𝗦𝘂𝗽𝗽𝗼𝗿𝘁 𝘁𝗼 𝗥𝘂𝗿𝗮𝗹 𝗘𝗰𝗼𝗻𝗼𝗺𝘆 𝗶𝘀 𝗗𝘄𝗶𝗻𝗱𝗹𝗶𝗻𝗴

From the perspective of Rural economy, effective implementation of the MGNREGA is of vital importance. This programme enhances disposable incomes in rural sections who have highest marginal propensity to… pic.twitter.com/KSvPGgVEsJ

— YS Jagan Mohan Reddy (@ysjagan) April 21, 2026