తమిళ స్టార్ హీరో సూర్యకు ఇటీవల విడుదలైన ‘కరుప్పు’ సినిమా ఘన విజయాన్ని అందించడంతో ఆయన కెరీర్లో కొత్త ఉత్సాహం నెలకొంది. ఈ విజయానంతరం సూర్య తన తదుపరి చిత్రం ‘విశ్వనాథ్ & సన్స్’ విడుదలకు సిద్ధమవుతుండగా, మరోవైపు భార్య జ్యోతికతో కలిసి చేసిన తాజా ఫోటోషూట్ సోషల్ మీడియాలో వైరల్గా మారింది. ‘ది హాలీవుడ్ రిపోర్టర్ ఇండియా’ కోసం నిర్వహించిన ఈ ఫోటోషూట్లో ఐవరీ, బేజ్ రంగుల దుస్తుల్లో ఎంతో హుందాగా కనిపించిన ఈ జంట అభిమానులను ఆకట్టుకుంది. మోనోక్రోమ్, సెపియా టోన్లలో రూపొందించిన ఫొటోలు ఇద్దరి మధ్య ఉన్న అనుబంధాన్ని అందంగా ప్రతిబింబించడంతో, సూర్య-జ్యోతిక జోడీ మరోసారి వెండితెరపై కనిపించాలని అభిమానులు సోషల్ మీడియాలో పెద్ద ఎత్తున కోరుతున్నారు.
సూర్య, జ్యోతిక కలిసి ఎన్నో విజయవంతమైన చిత్రాల్లో నటించినప్పటికీ, 2006లో విడుదలైన ‘సిల్లును ఒరు కాదల్’ తర్వాత మళ్లీ ఒకే సినిమాలో కనిపించలేదు. దాదాపు రెండు దశాబ్దాలుగా ఈ హిట్ జోడీ కాంబినేషన్ కోసం అభిమానులు ఎదురుచూస్తున్నారు. ప్రస్తుతం సూర్య తెలుగు దర్శకుడు వెంకీ అట్లూరి తెరకెక్కిస్తున్న ‘విశ్వనాథ్ & సన్స్’ చిత్రంతో ఆగస్టు 14న ప్రేక్షకుల ముందుకు రానున్నారు. ఇప్పటికే ఈ సినిమాపై భారీ అంచనాలు నెలకొన్నాయి. ఇదే సమయంలో సూర్య-జ్యోతిక తాజా ఫోటోషూట్ మరోసారి వారి కాంబినేషన్పై చర్చకు తెరలేపింది. సరైన కథ దొరికితే ఈ స్టార్ కపుల్ మళ్లీ కలిసి నటించి వెండితెరపై మరోసారి మ్యాజిక్ సృష్టిస్తారని అభిమానులు ఆశాభావం వ్యక్తం చేస్తున్నారు.
అర్ష్దీప్-సమ్రీన్ రిలేషన్.. వైరల్ అవుతున్న ఇన్స్టా ఎమోజీలు!