కాంగ్రెస్ పార్టీ (Congress Party) నిర్వహించిన న్యాయ సదస్సులో తెలంగాణ (Telangana) ముఖ్యమంత్రి (Chief Minister) రేవంత్ రెడ్డి (Revanth Reddy) కేంద్రంపై తీవ్రంగా విమర్శలు గుప్పించారు. కాంగ్రెస్ స్వాతంత్ర పోరాటంలో పాల్గొని దేశానికి రాజ్యాంగాన్ని అందించిందని, సామాజిక న్యాయం కోసం నిజమైన పోరాటం కాంగ్రెస్ నుంచే జరుగుతుందని తెలిపారు.
“మోడీ (Modi) ప్రధానమంత్రి (Prime Minister) అయిన తర్వాత దేశంలో ప్రజాస్వామ్యం (Democracy)పై దాడి జరుగుతోంది. సామాజిక న్యాయంపై చర్చ లేకుండా నిర్ణయాలు తీసుకుంటున్నారు. ఇందిరా గాంధీ పాకిస్తాన్తో యుద్ధం చేసి ఖాళీ మాతగా నిలిచారు. మహాత్మా గాంధీ (Mahatma Gandhi) దేశం కోసం ప్రాణత్యాగం చేశారు. ఇందిరా, రాజీవ్ గాంధీలు (Indira, Rajiv Gandhis) తమ ప్రాణాల్ని దేశానికి అంకితంగా సమర్పించారు,” అని రేవంత్ పేర్కొన్నారు.
రాబోయే పార్లమెంట్ ఎన్నికల్లో మోడీ, బీజేపీని ఓడించేందుకు కాంగ్రెస్ సిద్ధంగా ఉందని స్పష్టం చేశారు. “మనం తక్కువేమీ కాదు. సోనియాగాంధీ (Sonia Gandhi)ని ప్రధాని చేయాలని ప్రజలు కోరినా, ఆమె త్యాగం చేసి మన్మోహన్ సింగ్కు అవకాశం ఇచ్చారు. ప్రణబ్ ముఖర్జీని రాష్ట్రపతిగా చేశాం. గాంధీ కుటుంబం త్యాగాలకు మారుపేరు. రాహుల్ గాంధీ (Rahul Gandhi) పదవుల కోసం పోరాడడం లేదు. ప్రజల హక్కుల కోసం, సామాజిక న్యాయానికి గళం వినిపిస్తున్నారు,” అన్నారు.
ప్రధాని పదవిలో మోడీ 2001 నుంచి కొనసాగుతున్నారని, ఆర్ఎస్ఎస్ సైతం 75 ఏళ్లు దాటిన నాయకులు రాజకీయాల నుంచి తప్పుకోవాలని చెబుతున్నా మోడీ మాత్రం రాజీ పడటం లేదని ఎద్దేవా చేశారు. “ఆర్ఎస్ఎస్ మోడీని ఆపకపోతే, రాహుల్ గాంధీ రాబోయే ఎన్నికల్లో మోడీని అధికారం నుంచి తప్పిస్తారు,” అని ధీమాగా చెప్పారు.
తెలంగాణలో కులగణన చేపట్టి దేశానికి ఆదర్శంగా నిలిచామని చెప్పారు. “బీజేపీకి వచ్చే సార్వత్రిక ఎన్నికల్లో 150 సీట్లకంటే ఎక్కువ రాదు. ఇది నిజమైన పోరాటం.. ఇది సామాజిక న్యాయానికి మన సాహసం,” అని రేవంత్ రెడ్డి స్పష్టం చేశారు.
హద్దులు దాటిన మాటలు.. ప్రొఫెసర్పై బాడీ షేమింగ్