అంతర్జాతీయ క్రికెట్ మండలి (ICC) మహిళల క్రికెట్ (Women’s Cricket)ను బలోపేతం చేసే దిశగా దుబాయ్లో జరిగిన సమావేశంలో ముఖ్యమైన నిర్ణయాలు తీసుకుంది. ఇందులో ప్రధానంగా, తదుపరి మహిళల వన్డే వరల్డ్ కప్లో జట్ల సంఖ్యను ఎనిమిది నుంచి పదికి పెంచాలని నిర్ణయించారు, దీని ద్వారా మరిన్ని దేశాలకు అగ్ర టోర్నీలో ఆడే అవకాశం లభిస్తుంది.
అంతేకాక, ఐసీసీలోని అసోసియేట్ దేశాలకు ఇచ్చే నిధులను 10 శాతం పెంచుతూ నిర్ణయం తీసుకున్నారు. 2028 ఒలింపిక్స్ అమెరికాలో జరగనుండటం దృష్టిలో ఉంచుకుని, నిషేధం ఉన్నా కూడా అమెరికా క్రికెట్కు మద్దతుగా ఐసీసీ చర్యలు తీసుకోనుంది. మరోవైపు, భారత మహిళల జట్టు మాజీ కెప్టెన్ మిథాలీ రాజ్ (Mithali Raj)కు ఐసీసీ మహిళల క్రికెట్ కమిటీలో స్థానం కల్పించడం ఈ సమావేశంలో అరుదైన గౌరవంగా నిలిచింది.
మహిళల వన్డే వరల్డ్ కప్ టోర్నమెంట్ వీక్షణ పరంగా డిజిటల్ వేదికపై సరికొత్త రికార్డులను నెలకొల్పింది. ప్రసారకర్తల నివేదిక ప్రకారం, టోర్నమెంట్ను ఏకంగా 446 మిలియన్ల మంది వీక్షకులు జియో హాట్స్టార్లో వీక్షించారు. ఇది మహిళల క్రికెట్లో అత్యధిక రికార్డుగా నమోదైంది.
అలాగే, భారత్, దక్షిణాఫ్రికా మధ్య జరిగిన ఫైనల్ మ్యాచ్ను 185 మిలియన్ల మంది డిజిటల్ ప్లాట్ఫామ్పై చూడటం విశేషం. ఈ వీక్షకుల సంఖ్య 2024 పురుషుల టీ20 వరల్డ్ కప్లో భారత్, దక్షిణాఫ్రికా ఫైనల్ వీక్షణకు సమానం కావడం మహిళల క్రికెట్కు పెరుగుతున్న ఆదరణను స్పష్టం చేస్తోంది.
