ఆంధ్రప్రదేశ్లో మావోయిస్టు ఉద్యమానికి ఎదురుదెబ్బ తగిలింది. సుమారు 35 ఏళ్లుగా అజ్ఞాతంలో ఉంటూ, ఏవోబీ (ఆంధ్రా-ఒడిశా బోర్డర్) (Andhra-Odisha Border) ప్రాంతంలో పార్టీని నడిపించిన మావోయిస్టు కేంద్ర కమిటీ సభ్యుడు, ఏవోబీ స్పెషల్ జోనల్ కమిటీ కార్యదర్శి నారాయణరావు (Narayan Rao) అలియాస్ సోమన్న (Somanna) తన దళంతో సహా పోలీసుల ఎదుట లొంగిపోయారు. సోమవారం విజయవాడలో (Vijayawada) డీజీపీని కలిసి ఆయన తన ఆయుధాన్ని అప్పగించారు.
‘నక్సల్స్ ఫ్రీ స్టేట్’ – డీజీపీ
నారాయణరావు లొంగుబాటు అనంతరం డీజీపీ మీడియాకు వివరాలు వెల్లడించారు. ఆంధ్రప్రదేశ్ (Andhra Pradesh) ఇప్పుడు అధికారికంగా ‘నక్సల్స్ ఫ్రీ స్టేట్’ (Naxals Free State) (నక్సల్స్ లేని రాష్ట్రం)గా మారిందని డీజీపీ ప్రకటించారు. రాష్ట్రంలో ఇకపై మావోయిస్టుల (Maoists) ఉనికి లేదని స్పష్టం చేశారు. లొంగిపోయిన నారాయణరావుకు ప్రభుత్వం తరఫున రూ. 25 లక్షల రివార్డు సొమ్మును అందజేస్తున్నట్లు తెలిపారు. ఆయనతో పాటు లొంగిపోయిన ఇతర సభ్యులకు కలిపి రూ. 24.20 లక్షల నగదుతో పాటు, ప్రభుత్వ నిబంధనల ప్రకారం అన్ని రకాల సంక్షేమ ఫలాలు, పునరావాసం కల్పిస్తామని హామీ ఇచ్చారు.
సిద్ధాంతాలు మారలేదు.. – సోమన్న
ఈ సందర్భంగా నారాయణరావు అలియాస్ సోమన్న తన మనోగతాన్ని పంచుకున్నారు. “మారుతున్న కాలానికి అనుగుణంగా పార్టీ తన సిద్ధాంతాలను, ప్రణాళికలను మార్చుకోవడంలో విఫలమైంది. ప్రజల ఆలోచనలకు, నేటి పరిస్థితులకు సాయుధ పోరాటం సరిపోదని గ్రహించాను. ప్రస్తుతం ప్రభుత్వ సంక్షేమ పథకాలు (Government Welfare Schemes) కుగ్రామాలకు (Remote Villages) కూడా చేరుతున్నాయి. అందుకే హింసను వీడి, జనజీవన స్రవంతిలో కలిసిపోవాలని నిర్ణయించుకున్నాను” అని ఆయన పేర్కొన్నారు.
ఆపరేషన్ కగార్ ఎఫెక్ట్
కేంద్ర హోం మంత్రి అమిత్ షా (Amit Shah) నిర్దేశించిన మార్చి 31, 2026 డెడ్లైన్ లోపు దేశాన్ని మావోయిస్టు రహితంగా మార్చేందుకు చేపట్టిన ‘ఆపరేషన్ కగార్’ (Operation Kagar) సత్ఫలితాలను ఇస్తోంది. చత్తీస్గఢ్, ఒడిశా, తెలంగాణ, ఏపీ సరిహద్దుల్లో బలగాల నిర్బంధం పెరగడం, మరోవైపు ప్రభుత్వాల ఆకర్షణీయమైన లొంగుబాటు విధానాలతో కేడర్ అంతా బయటకు వస్తోంది.
