దక్షిణ కొరియా స్టార్ (South Korea Star) నటి జంగ్ హో-యోన్ (Jung Ho-yeon) మరో అరుదైన అంతర్జాతీయ ఘనతను సొంతం చేసుకున్నారు. ఫిఫా వరల్డ్ కప్ 2026 (FIFA World Cup 2026) ఫైనల్(Final) సందర్భంగా న్యూయార్క్-న్యూజెర్సీలో (New York-New Jersey) నిర్వహించిన ప్రత్యేక కార్యక్రమంలో స్పెయిన్ టెన్నిస్ స్టార్ (Spain Tennis Star) కార్లోస్ అల్కరాజ్తో (Carlos Alcaraz) కలిసి వరల్డ్ కప్ ట్రోఫీ కేస్ను మైదానంలోకి తీసుకువచ్చి ఆవిష్కరించారు. దీంతో ఫిఫా వరల్డ్ కప్ ట్రోఫీ (Trophy) ఆవిష్కరణ కార్యక్రమంలో (Unveiling Ceremony) పాల్గొన్న తొలి కొరియన్ నటిగా ఆమె చరిత్ర సృష్టించినట్లు అంతర్జాతీయ మీడియా పేర్కొంటోంది. ప్రపంచ ప్రఖ్యాత లగ్జరీ బ్రాండ్ లూయీ విట్టన్ (Louis Vuitton) రూపొందించిన ప్రత్యేక ట్రోఫీ ట్రంక్ను అభిమానుల సమక్షంలో ప్రదర్శించడం ఈ వేడుకకు ప్రత్యేక ఆకర్షణగా నిలిచింది.
2021లో నెట్ఫ్లిక్స్ సెన్సేషన్ ‘స్క్విడ్ గేమ్’లో (Squid Game) కాంగ్ సే-బ్యోక్ పాత్రతో ప్రపంచవ్యాప్తంగా గుర్తింపు తెచ్చుకున్న జంగ్ హో-యోన్, నటిగా మాత్రమే కాకుండా ప్రముఖ ఫ్యాషన్ మోడల్గా కూడా తనకంటూ ప్రత్యేక గుర్తింపు సంపాదించారు. ప్రస్తుతం వరుస అంతర్జాతీయ చిత్రాలు, ఫ్యాషన్ క్యాంపెయిన్లు, గ్లోబల్ ఈవెంట్లతో బిజీగా ఉన్న ఆమె, తాజాగా ఫిఫా వేదికపై కనిపించడం మరోసారి ప్రపంచ దృష్టిని ఆకర్షించింది. వినోద రంగంతో పాటు అంతర్జాతీయ క్రీడా వేదికలపై కూడా ఆమెకు లభిస్తున్న గౌరవం రోజురోజుకూ మరింత పెరుగుతోంది.
