లడఖ్‌లో 30 అడుగుల శివాజీ విగ్రహం ఆవిష్కరణ

లడఖ్‌లోని పాంగోంగ్ త్సో వద్ద 30 అడుగుల ఎత్తైన ఛత్రపతి శివాజీ మహారాజ్ విగ్రహాన్ని ఆవిష్కరించడం ఒక చారిత్రక ఘనతగా నిలిచింది. బీజేపీ ఎంపీ జమ్యాంగ్ త్సెరింగ్ నామ్‌గ్యాల్, భారత సైన్యం సమక్షంలో ఈ విగ్రహాన్ని ఆవిష్క‌రించారు. ఈ విగ్రహం మరాఠా యోధుని శౌర్యం, నాయకత్వాన్ని, దేశానికి చేసిన అగ్రస్ధాన సేవలను గౌరవించేలా రూపొందించబడింద‌న్నారు. ఈ విగ్రహం శివాజీ మహారాజ్ యొక్క సైనిక పరాక్రమం, పరిపాలనా నైపుణ్యాలు, సమానత్వం మరియు న్యాయానికి చేసిన కృషిని గుర్తుచేస్తుంద‌న్నారు. 14,300 అడుగుల ఎత్తులో ఉన్న పాంగోంగ్ త్సో ఒడ్డున ఈ విగ్రహం ఏర్పాటు చేయ‌బ‌డింది. లడఖ్‌ ప్రజల మనస్సుల్లో శివాజీ మహారాజ్‌ ఆత్మను మరింత బలంగా నిలిపేందుకు ఈ విగ్ర‌హం దోహ‌ద‌ప‌డుతుంద‌న్నారు.