తమిళ సినీ పరిశ్రమకు రాజకీయాలకు ఉన్న అనుబంధం మరోసారి చర్చనీయాంశమైంది. ఎంజీఆర్ (MGR), జయలలిత (Jayalalithaa), విజయకాంత్(Vijayakanth),, కమల్ హాసన్(Kamal Haasan), తాజాగా తలపతి విజయ్ (Thalapathy Vijay) తర్వాత ఇప్పుడు జాతీయ అవార్డు విజేత, స్టార్ హీరో ధనుష్ పేరు కూడా రాజకీయ వర్గాల్లో వినిపిస్తోంది. ఇటీవల తమిళనాడులో జరిగిన ఓ భారీ సామాజిక సేవా కార్యక్రమంలో పాల్గొన్న ధనుష్ (Dhanush) చేసిన వ్యాఖ్యలు ఆయన రాజకీయ రంగ ప్రవేశంపై (Political Field Entry) ఊహాగానాలకు తెరతీశాయి. అభిమానులు కేవలం సినిమాలకే పరిమితం కాకుండా సమాజానికి ఉపయోగపడే కార్యక్రమాల్లో పాల్గొనాలని, అవసరమైన వారికి అండగా నిలవాలని, సేవా కార్యక్రమాలను మరింత విస్తరించాలని ఆయన చేసిన పిలుపు సోషల్ మీడియాలో వైరల్గా మారింది.
ఈ కార్యక్రమంలో ధనుష్ అభిమానులు (Dhanush Fans) రక్తదాన శిబిరాలు (Blood Donation Camps) నిర్వహించడంతో పాటు విద్యార్థులు (Students), చిన్నారులకు (Children) ఆర్థిక సహాయం (Financial Support) అందించారు. ఈ సందర్భంగా మాట్లాడుతూ, “ఇంత మంది ఒకే చోట చేరడం అంటే అది ఒక పెద్ద శక్తి. ఆ శక్తిని సమాజం కోసం ఉపయోగించాలి. కేవలం అభిమాన సంఘాల సమావేశాలు, సినిమా వేడుకలకే పరిమితం కాకుండా, ప్రజలకు ఉపయోగపడే కార్యక్రమాలు చేపట్టండి. మీ సేవా కార్యక్రమాలతో సమాజం గర్వపడేలా ముందుకు సాగండి” అని ధనుష్ పేర్కొన్నారు. ఇదే సమయంలో మరో కార్యక్రమంలో చిన్నారులు, వారి తల్లిదండ్రులు ధనుష్కు పాదాభివందనం చేసిన దృశ్యాలు కూడా వైరల్ కావడంతో, రాజకీయ చర్చలకు మరింత ఊతమిచ్చాయి.
అయితే, ధనుష్ ఇప్పటివరకు రాజకీయాల్లోకి వస్తున్నట్లు ఎలాంటి అధికారిక ప్రకటన చేయలేదు. ఆయన కొత్త పార్టీ స్థాపిస్తారన్నా, ఏదైనా రాజకీయ పార్టీలో చేరతారన్నా అధికారిక సమాచారం లేదు. ప్రస్తుతం సోషల్ మీడియాలో జరుగుతున్న చర్చలన్నీ ఆయన చేసిన ప్రసంగం, సామాజిక సేవా కార్యక్రమాల ఆధారంగా వచ్చిన ఊహాగానాలుగానే భావించాలి. తమిళనాడులో సినీ తారల రాజకీయ ప్రవేశం ఎప్పుడూ ఆసక్తికర అంశమే కావడంతో ధనుష్ పేరు కూడా ఇప్పుడు రాజకీయ చర్చల్లో ప్రధానంగా వినిపిస్తోంది. అయితే ఆయన నిజంగానే రాజకీయాల్లోకి అడుగుపెడతారా లేదా సామాజిక సేవకే పరిమితమవుతారా అనే విషయంపై స్పష్టత రావాలంటే అధికారిక ప్రకటన వచ్చే వరకు వేచి చూడాల్సిందే.
