కృష్ణా జలాల (Krishna waters) వినియోగంపై మరోసారి ఆంధ్రప్రదేశ్(Andhra Pradesh), తెలంగాణ(Telangana) మధ్య వివాదం తలెత్తింది. నాగార్జునసాగర్ డ్యామ్ (Nagarjuna Sagar Dam) కేంద్రంగా ఇరు రాష్ట్రాల అధికారుల మధ్య విభేదాలు చోటుచేసుకున్నాయి. కృష్ణా నదీ యాజమాన్య బోర్డు (KRMB) అనుమతి లేకుండా ఏపీ అధికారులు నీటిని విడుదల (Water Release) చేసేందుకు ప్రయత్నించారని తెలంగాణ అధికారులు అభ్యంతరం వ్యక్తం చేశారు.
నాగార్జునసాగర్(Nagarjuna Sagar) కుడి కాలువ (Right Canal) ద్వారా ఆంధ్రప్రదేశ్కు (Andhra Pradesh), 2 వేల క్యూసెక్కుల నీటిని విడుదల చేసే ప్రయత్నం జరిగినట్లు తెలుస్తోంది. అయితే ఈ నీటి విడుదలకు కేఆర్ఎంబీ(KRMB) అనుమతి తీసుకోలేదని తెలంగాణ అధికారులు అభ్యంతరం వ్యక్తం చేశారు. దీంతో డ్యామ్ పరిసరాల్లో ఉద్రిక్త పరిస్థితులు నెలకొన్నాయి.
మరోవైపు తెలంగాణ అధికారులు కూడా ఎడమ కాలువకు 2 వేల క్యూసెక్కుల నీటిని విడుదల చేసినట్లు తెలుస్తోంది. దీంతో నాగార్జునసాగర్ వద్ద ఇరు రాష్ట్రాల నీటి వినియోగంపై మరోసారి వివాదం ముదిరింది.
కృష్ణా జలాల పంపకాలు(Krishna water Sharing), వినియోగంపై ఆంధ్రప్రదేశ్, తెలంగాణ మధ్య గతంలోనూ పలు సందర్భాల్లో వివాదాలు చోటుచేసుకున్నాయి. తాజాగా నాగార్జునసాగర్ నుంచి నీటి విడుదల అంశం మరోసారి రెండు రాష్ట్రాల మధ్య ఉద్రిక్తతకు దారితీసింది.
కేఆర్ఎంబీ అనుమతులు, ఇరు రాష్ట్రాల నీటి వాటాలు, సాగు అవసరాల ఆధారంగా నీటి విడుదల జరగాల్సి ఉండగా.. అనుమతుల అంశంపై ఇరు రాష్ట్రాల అధికారులు పరస్పరం అభ్యంతరాలు వ్యక్తం చేస్తున్నట్లు తెలుస్తోంది. నాగార్జునసాగర్ నీటిపై ఆధారపడే ఆయకట్టు ప్రాంతాల్లో సాగునీటి అవసరాలు పెరుగుతున్న నేపథ్యంలో తాజా పరిణామాలు ప్రాధాన్యత సంతరించుకున్నాయి. డ్యామ్ వద్ద పరిస్థితిని అధికారులు పర్యవేక్షిస్తున్నారు.
కృష్ణా జలాల వినియోగంపై మరోసారి వివాదం మొదలవడంతో ఈ వ్యవహారం ఎటువైపు దారితీస్తుందన్నది ఆసక్తికరంగా మారింది. నీటి విడుదలపై కేఆర్ఎంబీ ఎలాంటి నిర్ణయం తీసుకుంటుందో చూడాల్సి ఉంది.
