ఏపీ ప్రభుత్వం మ‌ళ్లీ భారీ అప్పు.. ఈసారి ఎంతంటే..

ఆంధ్రప్రదేశ్‌లో (Andhra Pradesh) చంద్రబాబు నేతృత్వంలోని (Chandrababu Naidu Government) కూటమి ప్రభుత్వం (Coalition Government) మరోమారు భారీగా అప్పులు (Loans) చేసింది. జూన్ నెల మొదటి మంగళవారమే (ఈరోజు) రిజర్వ్ బ్యాంక్ ఆఫ్ ఇండియా (RBI) సెక్యూరిటీల వేలం (Securities Auction) ద్వారా భారీ అప్పును సేకరించింది. కొత్తగా రూ. 4,400 కోట్ల మేర రుణం తీసుకుంది. తాజా రుణంతో కలిపి చంద్రబాబు సర్కార్ అధికారంలోకి వచ్చిన గత 24 నెలల కాలంలో చేసిన మొత్తం అప్పులు అక్షరాలా రూ. 3,44,494 కోట్లకు చేరడం గమనార్హం. ప్రస్తుతం దేశంలోనే (Nationwide) అప్పులు చేయడంలో ఏపీ (Andhra Pradesh) అగ్రస్థానంలో (Top Position) నిలుస్తోందనే విమర్శలు వెల్లువెత్తుతున్నాయి.

బడ్జెట్ లోపల.. బయట.. అన్నీ అప్పులే..
చంద్రబాబు ప్రభుత్వం వివిధ మార్గాల ద్వారా తీసుకొచ్చిన రుణాల వివరాలు (Loans Details) చూస్తే ఆందోళనకరంగా ఉన్నాయి. నిబంధనల ప్రకారం బడ్జెట్ (Budget) పరిధిలో చూపిస్తూ తీసుకొచ్చిన అప్పులు రూ. 1,85,000 కోట్లకు చేరాయి. కార్పొరేషన్లు, ఇతర ప్రభుత్వ సంస్థల గ్యారంటీలతో బడ్జెట్ వెలుపల తీసుకొచ్చిన అప్పులు రూ. 1,12,504 కోట్లుగా ఉన్నాయి. కేపిటల్ సిటీ అమరావతి అభివృద్ధి, నిర్మాణాల పేరుతో వివిధ బ్యాంకులు, ఆర్థిక సంస్థల నుండి రూ. 47,387 కోట్ల మేర అప్పులు తీసుకొచ్చారు.

అప్పుల్లో ఏపీ అగ్రస్థానం
రాష్ట్రంలో సంక్షేమ పథకాలు, ఇతర ప్రభుత్వ నిర్వహణ ఖర్చుల కోసం ప్రతి నెలా అప్పులపై ఆధారపడటం కూటమి ప్రభుత్వానికి అలవాటుగా మారిందనే విమర్శలు వస్తున్నాయి. జూన్ నెల ప్రారంభమైన మొదటి వారంలోనే రూ. 4,400 కోట్లు తీసుకురావడంతో రాష్ట్ర ఆర్థిక పరిస్థితిపై తీవ్ర చర్చ జరుగుతోంది. గతంలో అప్పులపై తీవ్ర విమర్శలు చేసిన చంద్రబాబు.. ఇప్పుడు తానే స్వయంగా గత 24 నెలల్లో రికార్డు స్థాయిలో రూ.3,44,494 కోట్ల అప్పులు చేయడంపై ప్రతిపక్షాలు, ఆర్థిక విశ్లేషకులు మండిపడుతున్నారు. భవిష్యత్తులో ఈ రుణాల భారం రాష్ట్ర ప్రజలపై తీవ్ర ప్రభావం చూపే అవకాశం ఉందని హెచ్చరిస్తున్నారు.