సూపర్స్టార్ మహేశ్ బాబు (Mahesh Babu), దర్శకుడు రాజమౌళి (SS Rajamouli) కాంబినేషన్లో రూపొందనున్న భారీ చిత్రం ‘SSMB29’ గురించి ఒక ఆసక్తికరమైన సమాచారం సోషల్ మీడియాలో చక్కర్లు కొడుతోంది. ఈ చిత్రానికి సంబంధించిన కథ, షూటింగ్ క్లిప్స్, లేదా చిత్రంలోని ఇతర వివరాలు లీక్ కాకుండా ఉండేందుకు రాజమౌళి ప్రత్యేక చర్యలు చేపట్టారు.
ఈ క్రమంలో, మహేశ్ బాబు, ప్రియాంక చోప్రా సహా ఇతర నటీనటులు మరియు సాంకేతిక నిపుణులతో ప్రత్యేక నాన్-డిస్క్లోజర్ అగ్రిమెంట్ (NDA) చేయించారని సమాచారం. అంతేకాకుండా, సినిమా సెట్లో ఎవరూ ఫోన్లు తీసుకురావడానికి అనుమతి ఇవ్వరని తెలుస్తోంది.
ఫోన్లపై నిషేధం
రాజమౌళి దిశానిర్దేశంలో జరుగుతున్న ఈ చర్యలు, సినిమా గురించి రహస్యాలను కాపాడటంలో కీలకంగా మారనున్నాయి. గతంలో కొన్ని పెద్ద ప్రాజెక్టుల విషయాల్లో డేటా లీక్లు చిత్ర బృందాలను ఇబ్బందుల్లోకి నెట్టిన నేపథ్యంలో, ఈ సినిమా విషయంలో జాగ్రత్తలు మరింత పెంచారు.
