మహిళా ట్రైనీ ఐపీఎస్ (Woman Trainee IPS) అధికారి ఇచ్చిన లైంగిక వేధింపులు(Sexual Harassment), దాడి ఆరోపణల కేసులో ట్రైనీ ఐపీఎస్ అధికారి ఉదయ్ కృష్ణారెడ్డిని (Uday Krishna Reddy) పోలీసులు అరెస్ట్(Arrest) చేశారు. మంగళవారం సాయంత్రం స్వగ్రామం నుంచి హైదరాబాద్కు (Hyderabad) వస్తుండగా నల్గొండ జిల్లా మిర్యాలగూడ (Miryalaguda) సమీపంలోని దామరచర్ల వద్ద పోలీసులు ఆయనను అదుపులోకి తీసుకుని అత్తాపూర్ పోలీస్ స్టేషన్కు (Attapur Police Station) తరలించారు. అనంతరం అర్ధరాత్రి వరకు అధికారులు ఆయన వాంగ్మూలాన్ని నమోదు చేశారు. త్వరలోనే కోర్టులో హాజరుపరచనున్నట్లు సమాచారం. ఈ నెల 18న మహిళా ట్రైనీ ఐపీఎస్ అధికారి ఫిర్యాదు మేరకు కేసు నమోదు కాగా, రెండు రోజుల తర్వాత ఉదయ్ కృష్ణారెడ్డి ఆత్మహత్యాయత్నానికి పాల్పడ్డారు. నాలుగు రోజుల పాటు ఆస్పత్రిలో చికిత్స పొందిన అనంతరం ఆయన కనిపించకుండా పోవడంతో పోలీసులు ప్రత్యేక బృందాలతో గాలింపు చేపట్టగా, చివరకు స్వగ్రామంలో ఆయనను గుర్తించారు.
అయితే తాను ఎక్కడికీ పరారీలో లేనని, తన నాయనమ్మ (Grandmother) ఆరోగ్యం బాగోలేకపోవడంతో స్వగ్రామానికి వెళ్లానని ఉదయ్ కృష్ణారెడ్డి మీడియాకు తెలిపారు. విచారణకు పూర్తిగా సహకరిస్తానని, న్యాయవ్యవస్థపై తనకు పూర్తి విశ్వాసం ఉందని, తనపై వచ్చిన ఆరోపణలు అవాస్తవమని పేర్కొన్నారు. మరోవైపు ఫిర్యాదు చేసిన మహిళా ట్రైనీ ఐపీఎస్ అధికారికి నిర్వహించిన వైద్య పరీక్షల్లో మెడ, చెంప, ఎడమ కాలిపై గాయాల ఆనవాళ్లు ఉన్నట్లు వైద్య సిబ్బంది గుర్తించినట్లు సమాచారం. కేసుకు సంబంధించిన అన్ని ఆధారాలను పోలీసులు సేకరిస్తుండగా, దర్యాప్తును వేగవంతం చేశారు. ప్రస్తుతం ఈ కేసు రాష్ట్రవ్యాప్తంగా తీవ్ర చర్చనీయాంశంగా మారగా, కోర్టు విచారణలో మరిన్ని కీలక విషయాలు వెలుగులోకి వచ్చే అవకాశముంది. ఆరోపణలు ప్రస్తుతం దర్యాప్తు దశలో ఉండగా, తుది నిజానిజాలను కోర్టు విచారణ మరియు దర్యాప్తు ఫలితాలు నిర్ధారించనున్నాయి.
