తిరుపతిలోని శ్రీవారి భూముల (Sri Vari Lands) విషయంలో కూటమి ప్రభుత్వం (Alliance Government) చారిత్రాత్మక తప్పిదం చేస్తోందని సాధుపరిషత్ (Sadhu Parishad) తీవ్ర విమర్శలు చేసింది. జీఓ నెం.45 ద్వారా టీటీడీ(TTD)కి చెందిన విలువైన భూములను ప్రైవేట్ సంస్థలకు అప్పగించే ప్రయత్నం జరుగుతోందని ఆరోపించింది. ఈ నిర్ణయాన్ని వెంటనే ఉపసంహరించుకోవాలని, లేకపోతే ఉద్యమం చేపడతామని సాధుపరిషత్ హెచ్చరించింది.
సాధుపరిషత్ ప్రతినిధి శ్రీనివాసానంద సరస్వతి (Srinivasananda Saraswati) మాట్లాడుతూ.. జీఓ నెం.45 ద్వారా సుమారు రూ.446 కోట్ల విలువైన టీటీడీ భూమిని ప్రైవేట్కు కేటాయించి, దాని బదులుగా కేవలం రూ.20 కోట్ల విలువైన భూమిని మాత్రమే స్వామివారికి ఇస్తున్నారని మండిపడ్డారు. ఇది శ్రీవారి ఆస్తులకు జరుగుతున్న తీవ్రమైన అన్యాయమని వ్యాఖ్యానించారు.
ముంతాజ్ హోటల్ (Mumtaz Hotel) పేరును మార్చి ‘సర్వ హోల్’ (Sarva Hall) పేరిట 20 ఎకరాల భూమిని కేటాయించడం కూడా హిందువుల మనోభావాలను దెబ్బతీసే చర్యగా ఆయన పేర్కొన్నారు. టీటీడీ భూములు అన్యాక్రాంతం చేయడానికే కొందరికి పదవులు ఇచ్చారా? అంటూ కూటమి ప్రభుత్వాన్ని ప్రశ్నించారు.
కూటమి ప్రభుత్వం హిందూ సమాజం భావోద్వేగాలను పూర్తిగా విస్మరించి నిర్ణయాలు తీసుకుంటోందని, ఈ వ్యవహారం కొనసాగితే రాష్ట్రవ్యాప్తంగా సాధువులు, భక్తులు కలిసి భారీ స్థాయి పోరాటానికి దిగుతామని హెచ్చరించారు. తిరుపతిలో శ్రీవారికి జరుగుతున్న అన్యాయాన్ని వెంటనే నిలిపివేయాలని, ప్రభుత్వం హిందువుల మనోభావాలను రక్షించాలని డిమాండ్ చేశారు.
జీఓ నెం.45ను వెంటనే రద్దు చేయాలని స్పష్టంగా డిమాండ్ చేసిన సాధుపరిషత్, కూటమి ప్రభుత్వానికి సద్బుద్ధిని శ్రీ వెంకటేశ్వర స్వామి ప్రసాదించాలని ఆకాంక్షించింది. శ్రీవారి భూముల పరిరక్షణ కోసం అవసరమైతే న్యాయపోరాటానికి కూడా సిద్ధమని ప్రకటించింది.
