రెబల్ స్టార్ (Rebel Star) ప్రభాస్ (Prabhas) హీరోగా, మారుతి (Maruthi) దర్శకత్వంలో రూపొందుతున్న ‘ది రాజా సాబ్’ (The Raja Saab) సినిమాపై ఆసక్తికరమైన అప్డేట్ వెలుగులోకి వచ్చింది. హారర్, కామెడీ, రొమాంటిక్ కథాంశంతో తెరకెక్కుతున్న ఈ సినిమాకు సీక్వెల్ (Sequel) చేసే ఆలోచనలో ఉన్నట్లు విశ్వసనీయ వర్గాల సమాచారం.
ప్రస్తుతం రామోజీ ఫిల్మ్ స్టూడియో (Ramoji Film Studio)లో ‘ది రాజా సాబ్’ షూటింగ్ శరవేగంగా జరుగుతోంది. ఈ షెడ్యూల్లో ప్రభాస్ పాల్గొంటున్నారు. నిధి అగర్వాల్, మాళవిక మోహనన్, రిద్ధి హీరోయిన్లుగా నటిస్తున్న ఈ చిత్రంలో బాలీవుడ్ నటుడు సంజయ్ దత్ విలన్గా కనిపించనున్నారు. థమన్ (Thaman) సంగీతం అందిస్తున్న ఈ సినిమాను పీపుల్స్ మీడియా ఫ్యాక్టరీ బ్యానర్పై విశ్వప్రసాద్ నిర్మిస్తున్నారు. ఇటీవల విడుదలైన ‘రాజాసాబ్’ ఫస్ట్ గ్లింప్స్కు భారీ స్పందన లభించింది.
కథపరంగా సీక్వెల్ చేసేందుకు అవకాశం ఉండటంతో, ఆ దిశగా దర్శకుడు మారుతి ఆలోచనలు చేస్తున్నారట. అయితే ఇది కేవలం ప్రాథమిక ఆలోచన మాత్రమే అని, ఇంకా తుది నిర్ణయం తీసుకోలేదని తెలుస్తోంది. సీక్వెల్ చేస్తే బాగుంటుందని భావించి, అందుకు సంబంధించిన చర్చలు జరుగుతున్నాయట.
ఇప్పటికే పలుమార్లు విడుదల వాయిదా పడిన ‘ది రాజా సాబ్’ ఈ ఏడాది డిసెంబర్ 5న ప్రేక్షకుల ముందుకు రానుంది. ఈ సినిమాకు సీక్వెల్ ప్లాన్ చేస్తారా, లేక ఒక సినిమాతోనే సరిపెడతారా అనేది రాబోయే రోజుల్లో స్పష్టమవుతుంది.
