పహల్గామ్ (Pahalgam) ఉగ్రదాడి (Terror Attack) పై చర్చించేందుకు పార్లమెంట్ (Parliament) ప్రత్యేక సమావేశం (Special Session) ఏర్పాటు చేయాలని కోరుతూ కాంగ్రెస్ పార్టీ జాతీయ అధ్యక్షుడు మల్లికార్జున ఖర్గే (Mallikarjun Kharge) ప్రధాని నరేంద్ర మోడీ (Narendra Modi)కి బహిరంగ లేఖ (Open Letter) రాశారు. ఈ లేఖలో ఉగ్రదాడిపై దేశవ్యాప్తంగా ప్రజల్లో పెరిగిన ఆందోళనను ప్రస్తావిస్తూ, ప్రజాప్రతినిధులైన ఎంపీలు ఈ అంశంపై పార్లమెంట్‌లో చర్చించే అవకాశం కల్పించాల్సిన అవసరం ఉందని ఖర్గే పేర్కొన్నారు.
ఇటీవలి అఖిల పక్ష సమావేశంలో కేంద్ర రక్షణ మంత్రి రాజ్‌నాథ్ సింగ్ (Rajnath Singh) అధ్యక్షతన జరిగిన చర్చలో కూడా ఖర్గే పాల్గొన్నారు. అప్పుడు ఖర్గే ఉగ్రదాడులకు వ్యతిరేకంగా కేంద్రం తీసుకునే ఏ చర్యకైనా తమ పూర్తి మద్దతు (Full Support) ఉంటుందని స్పష్టం చేశారు. పార్లమెంట్ ప్రత్యేక సమావేశం నిర్వ‌హించాల‌న్న ఖర్గే అభ్యర్థన రాజకీయ వర్గాల్లో చర్చనీయాంశమైంది. పార్లమెంట్‌ను ఒక ప్రజాస్వామ్య వేదికగా ఉపయోగించి, దేశ భద్రతను గూర్చిన విస్తృత చర్చ జరగాల్సిన అవసరాన్ని కాంగ్రెస్ నేతలు గుర్తుచేస్తున్నారు. స‌మ‌ష్టి నిర్ణ‌యంతో ప్ర‌త్య‌ర్థి దేశంపై పైచేయి సాధించ‌వ‌చ్చ‌న్న వాద‌న‌లు వినిపిస్తున్నాయి.
