వక్ఫ్ సవరణ చట్టాన్ని (Waqf Amendment Act) రాజ్యాంగ విరుద్ధమని (Unconstitutional) పేర్కొంటూ ఏపీ (Andhra Pradesh) ప్ర‌తిప‌క్ష పార్టీ వైసీపీ (YSRCP) సుప్రీంకోర్టు (Supreme Court) లో పిటిషన్ దాఖలు చేసింది. ముస్లిం మైనారిటీ (Muslim Minorities)ల హక్కులను హరించేలా వక్ఫ్ సవరణ చట్టం ఉండడంతో, ఆ చట్టానికి వ్యతిరేకంగా ఈ పిటిషన్ (Petition)ను దాఖలు చేసినట్లు పార్టీ వర్గాలు వెల్లడించాయి. ఇటీవల పార్లమెంట్‌లో ప్రవేశపెట్టిన వక్ఫ్ సవరణ బిల్లుకు వైసీపీ ఎంపీలు లోక్‌సభ, రాజ్యసభల్లో వ్యతిరేకంగా ఓటు వేసిన విషయం తెలిసిందే. మైనారిటీ సమాజానికి (Minority Community) పూర్తి మద్దతుగా (Full Support) ఉంటామన్న హామీని మాజీ సీఎం వైఎస్ జగన్ (Former CM Y. S. Jagan) ఇప్పటికే ఇచ్చిన నేపథ్యంలో, పార్టీ ఈ పిటిషన్ దాఖలు చేసినట్లు స్పష్టమవుతోంది.
ఇప్పటికే వక్ఫ్ చట్టంపై అభ్యంతరం వ్యక్తం చేసిన వైసీపీ కారణంగా కేంద్ర ప్రభుత్వం జాయింట్ పార్లమెంటరీ కమిటీ (Joint Parliamentary Committee) ని ఏర్పాటు చేసిన విషయం గుర్తుచేసుకోవచ్చు. కానీ మళ్లీ అదే బిల్లును తిరిగి పార్లమెంట్ (Parliament) లో ప్రవేశపెట్టడంతో, పార్టీ తిరిగి తన వ్యతిరేకతను స్పష్టం చేసింది. వక్ఫ్ ఆస్తుల విషయంలో ప్రభుత్వ జోక్యం అవసరం లేదని, ఈ బిల్లు ముస్లింల హక్కులను హరించేందుకు ప్రయత్నిస్తోంది అని పార్టీ అభిప్రాయపడుతోంది.
వక్ఫ్ బిల్లుపై పార్లమెంట్ స‌భ‌ల్లో వైసీపీ ద్వంద్వ వైఖ‌రి ప్ర‌ద‌ర్శించింద‌ని అధికార పార్టీలు విప‌రీతంగా ట్రోల్ చేసిన విషయం తెలిసిందే. చట్టాన్ని వ్య‌తిరేకిస్తూ సుప్రీం కోర్టులో వైసీపీ పిటిషన్ వేయ‌డ‌మంటే కేంద్ర ప్రభుత్వ నిర్ణ‌యాన్ని స‌వాల్ చేయ‌డ‌మేన‌ని (Challenging), మ‌రి దీనిపై కూట‌మి పార్టీలు (Alliance Parties) ఏ విధంగా స‌మ‌ర్థించుకుంటాయో చూడాలంటున్నారు రాజ‌కీయ విశ్లేష‌కులు.
