రాష్ట్రంలో కూటమి పాలన (Alliance Governance) మొదలైనప్పటి నుంచి మహిళలకు భద్రత (Women Security) లేకుండా పోయిందని, వరుస అఘాయిత్యాలతో ఏపీ పరువు (AP Reputation) దేశవ్యాప్తంగా (Nationwide) గంగలో (Ganga) కలిసిపోయిందని వైసీపీ (YSRCP) మహిళా విభాగం రాష్ట్ర అధ్యక్షురాలు, ఎమ్మెల్సీ వరుదు కళ్యాణి (Varudu Kalyani) తీవ్రస్థాయిలో ధ్వజమెత్తారు. గుంటూరు(Guntur), కడప (Kadapa), కావలి (Kavali) ప్రాంతాల్లో మహిళలపై జరిగిన దారుణ ఘటనలతో సభ్య సమాజం సిగ్గుతో తలదించుకునే పరిస్థితి వచ్చిందని ఆవేదన వ్యక్తం చేశారు. గుంటూరులో చోటుచేసుకున్న ఘటనపై ఆమె మీడియా వేదికగా తీవ్ర నిరసన వ్యక్తం చేశారు.
హోంమంత్రి రాజీనామా చేయాలి
రాష్ట్రంలో మహిళలపై దాడులు, విచక్షణారహిత అఘాయిత్యాలు జరుగుతున్నా మహిళా హోంమంత్రి వంగలపూడి అనిత కనీసం బాధితులను పరామర్శించిన దాఖలాలు లేవని వరుదు కళ్యాణి విమర్శించారు. శాంతిభద్రతలను కాపాడటంలో, మహిళలకు రక్షణ కల్పించడంలో హోంమంత్రి పూర్తిగా విఫలమయ్యారని, ఆమె తక్షణమే తన పదవికి రాజీనామా చేయాలని డిమాండ్ చేశారు.
ఉస్తాద్ భగత్ సింగ్ కాదు.. ‘ఉత్తుత్తి భగత్ సింగ్’
అధికారంలోకి వస్తే కఠిన చట్టాలు తెస్తామని ఎన్నికల వేళ ప్రగల్భాలు పలికిన డిప్యూటీ సీఎం పవన్ కళ్యాణ్(Pawan Kalyan) తీరును ఈ సందర్భంగా ఎమ్మెల్సీ ఎద్దేవా చేశారు. గుంటూరులో మహిళపై జరిగిన అక్రమ ఘటనపై పవన్ స్పందించకపోవడం అంటే ఆ దారుణానికి మద్దతు తెలపడమేనని ఆరోపించారు. “పవన్ కళ్యాణ్ ఉస్తాద్ భగత్ సింగ్ (Ustaad Bhagat Singh) కాదు, కేవలం ఉత్తుత్తి భగత్ సింగ్ (Fake Bhagat Singh) మాత్రమే.. అందుకే చంద్రబాబును (Chandrababu) ప్రశ్నించే ధైర్యం లేక మౌనం వహిస్తున్నారు” అని ఆరోపించారు.
బాధితులపైనే రివర్స్ కేసులు.. మహిళా కమిషన్ తీరుపై ఆగ్రహం
రాష్ట్రంలో జరుగుతున్న ప్రతి ఘటన వెనుక టీడీపీ(TDP), జనసేన (Jana Sena) నాయకుల హస్తమే ఉందని కళ్యాణి ఆరోపించారు. అరవ శ్రీధర్ (Arava Sridhar) బాధితురాలికి ఐదుసార్లు అబార్షన్ చేయించినా ఉపముఖ్యమంత్రి నోరు మెదపలేదని మండిపడ్డారు. గుంటూరు తూర్పు ఎమ్మెల్యే నసీర్ అహ్మద్(Naseer Ahmed) మహిళతో వీడియో కాల్లో అసభ్యకరంగా ప్రవర్తించారని పేర్కొన్నారు. తప్పు చేసిన అధికార పార్టీ నేతలను కాపాడుతూ, తిరిగి బాధితులపైనే అక్రమంగా కేసులు బనాయిస్తున్నారని విమర్శించారు.
జెత్వానీ వ్యవహారంలో (Jetwani Case) ప్రత్యేక విమానాల్లో తిరిగిన పోలీసులు, రాష్ట్రంలో సామాన్య మహిళలకు అన్యాయం జరుగుతుంటే ఏం చేస్తున్నారని ప్రశ్నించారు. ఆఖరికి ఆ కేసులో జెత్వానీయే తప్పు చేసిందని సీఐడీ ఛార్జిషీట్ (CID Charge Sheet) దాఖలు చేయడాన్ని ప్రస్తావించారు.
గుంటూరు ఘటనలో మహిళా కమిషన్ ఛైర్పర్సన్ (Women’s Commission Chairperson) వైఖరి దారుణంగా ఉందన్న ఆమె, మహిళను వివస్త్రను చేసిన నీచుడిని శిక్షించడాన్ని వదిలేసి, ఆ ఘటనకు సంబంధించిన సీసీ కెమెరా ఫుటేజీ బయటకు ఎలా వచ్చిందని ప్రశ్నించడం సిగ్గుచేటన్నారు. మహిళల ఆత్మగౌరవాన్ని కాపాడటంలో విఫలమైన కూటమి ప్రభుత్వానికి, ముఖ్యమంత్రి చంద్రబాబుకు, పవన్ కళ్యాణ్కు ప్రజాక్షేత్రంలో ప్రజలే బుద్ధి చెబుతారని హెచ్చరించారు.
