దీపావళి పండుగ (Diwali Festival) సందర్భంగా అక్కినేని నాగచైతన్య(Akkineni Naga Chaitanya) నటిస్తున్న ‘వృషకర్మ’(Vrushakarma) చిత్ర బృందం ప్రేక్షకులకు ప్రత్యేక వినోదాన్ని అందించేందుకు సిద్ధమైంది. ప్రముఖ యాంకర్ సుమ కనకాలతో(Suma Kanakala) కలిసి ‘దివాళి పటాకా పార్టీ’(Diwali Pataka Party) పేరుతో ఓ ప్రత్యేక కార్యక్రమాన్ని నిర్వహించనుంది. ఈ విషయాన్ని చిత్ర బృందం సోషల్ మీడియా వేదికగా వెల్లడించింది.
నవంబర్ 8న ప్రసారం కానున్న ఈ దీపావళి స్పెషల్ కార్యక్రమంలో వృషకర్మ టీమ్ (Vrushakarma Team) సందడి చేయనుంది. చిత్ర బృందంతో సుమ కనకాల చేసే సరదా సంభాషణలు, వినోదభరితమైన విశేషాలు ప్రేక్షకులను అలరించనున్నాయి. ఈ ప్రత్యేక కార్యక్రమంతో సినిమా ప్రమోషన్లలోనూ చిత్ర యూనిట్ జోరు పెంచుతోంది.
ఇక ‘వృషకర్మ’ సినిమా విషయానికొస్తే.. నాగచైతన్య హీరోగా, మీనాక్షి చౌదరి (Meenakshi Chaudhary) కథానాయికగా నటిస్తున్న ఈ చిత్రానికి కార్తీక్ దండు (Karthik Dandu) దర్శకత్వం వహిస్తున్నారు. స్పర్శ్ శ్రీవాస్తవ ప్రతినాయకుడి పాత్రలో కనిపించనున్నారు. బీవీఎస్ఎన్ ప్రసాద్, సుకుమార్ సంయుక్తంగా ఎస్‌వీసీసీ, సుకుమార్ రైటింగ్స్ బ్యానర్లపై ఈ చిత్రాన్ని నిర్మిస్తుండగా, బాపినీడు సమర్పిస్తున్నారు. అజనీష్ బి. లోక్‌నాథ్ సంగీతం అందిస్తున్నారు. నవీన్ నూలి ఎడిటర్‌గా వ్యవహరిస్తున్నారు. పురాణాలు, ప్రాచీన రహస్యాలు, సాహసంతో కూడిన కథాంశంతో తెరకెక్కుతున్న ఈ సినిమా ప్రపంచవ్యాప్తంగా డిసెంబర్ 4, 2026న థియేటర్లలో విడుదల కానుంది. ఇప్పటికే విడుదల తేదీని ప్రకటించిన చిత్ర బృందం, తాజాగా దీపావళి స్పెషల్ కార్యక్రమం ద్వారా ప్రేక్షకుల్లో సినిమాపై ఆసక్తిని మరింత పెంచే ప్రయత్నం చేస్తోంది.
