నీట్ పరీక్షపై (NEET Examination) దేశవ్యాప్తంగా మరోసారి చర్చ మొదలైంది. ఇటీవల వెలుగుచూసిన పేపర్ లీకేజీలు (Paper Leaks), విద్యార్థుల (Students) ఆందోళనల నేపథ్యంలో తమిళనాడులో(Tamil Nadu) అధికారంలో ఉన్న తమిళగ వెట్రి కజగం (TVK) తన వైఖరిని మరింత స్పష్టం చేసింది. ముఖ్యమంత్రి ‘దళపతి’ విజయ్ (Thalapathy Vijay) నాయకత్వంలోని టీవీకే, నీట్లో జరిగే అక్రమాలను అరికట్టడం మాత్రమే కాదు, ఈ జాతీయ స్థాయి వైద్య ప్రవేశ పరీక్షను దేశవ్యాప్తంగా పూర్తిగా రద్దు చేయాలని డిమాండ్ చేసింది. అలాగే వైద్య విద్య సహా విద్యా రంగానికి సంబంధించిన పూర్తి అధికారాలు రాష్ట్ర ప్రభుత్వాలకే ఇవ్వాలని కేంద్రాన్ని కోరింది.
ఢిల్లీలో(Delhi) నీట్కు వ్యతిరేకంగా విద్యార్థుల నిరసనలు కొనసాగుతున్న నేపథ్యంలో టీవీకే(TVK) అధికారిక ప్రకటన విడుదల చేసింది. నీట్ రద్దు విషయంలో తమ పార్టీ ఎలాంటి రాజీ పడదని స్పష్టం చేసింది. గత ఎన్నికల సమయంలో నీట్ రద్దు (NEET Abolition) హామీ ఇచ్చి ప్రజల మద్దతు పొందిన డీఎంకేను(DMK) పరోక్షంగా లక్ష్యంగా చేసుకుంటూ విమర్శలు గుప్పించింది. ప్రజలను ఆకర్షించేందుకు హామీలు ఇచ్చి తర్వాత వెనక్కి తగ్గే రాజకీయాలకు తాము దూరమని, నీట్ రద్దుపై తమ వైఖరి మొదటి నుంచీ ఒకటేనని పేర్కొంది.
ఈ సమస్యకు శాశ్వత పరిష్కారంగా ప్రస్తుతం రాజ్యాంగంలోని ఉమ్మడి జాబితా (Concurrent List) లో ఉన్న విద్యా రంగాన్ని తిరిగి రాష్ట్ర జాబితా (State List) లోకి తీసుకురావాలని టీవీకే డిమాండ్ చేసింది. అది సాధ్యం కాకపోతే విద్యా రంగానికి ప్రత్యేక ఉమ్మడి జాబితా ఏర్పాటు చేసి, ముఖ్యంగా వైద్య విద్యపై రాష్ట్రాలకు పూర్తి నిర్ణయాధికారాలు ఇవ్వాలని సూచించింది. ఇతరుల పోరాటాలను తమ ఖాతాలో వేసుకుని రాజకీయ ప్రయోజనాలు పొందే ప్రయత్నాలు మానుకోవాలని ప్రత్యర్థి పార్టీలకు టీవీకే హెచ్చరిక జారీ చేసింది.
‘చిన్నోడు.. పెద్దోడు’.. టీడీపీ మీడియాపై అంబటి సెటైర్లు