గుండెపోటుతో ప్రముఖ దర్శకుడు కన్నుమూత‌

సినీ పరిశ్రమకు అపూర్వమైన రచనలు అందించిన ప్రముఖ దర్శకుడు, నిర్మాత జయమురుగన్ క‌న్నుమూశారు. శుక్ర‌వారం రాత్రి గుండెపోటుతో ఆస్ప‌త్రిలో చేరిన ఆయ‌న‌ చికిత్స పొందుతూ తుదిశ్వాస విడిచారు. జయమురుగన్ తన సినీ ప్రయాణంలో ఎన్నో విభిన్న కథాంశాలను ప్రదర్శించారు. 1995లో మన్సూర్ అలీఖాన్ హీరోగా సింధుబాద్ చిత్రాన్ని తెరకెక్కించారు. ఈ సినిమా మంచి విజయాన్ని సాధించింది. ఆ తర్వాత పాండ్యరాజన్, కనక జంటగా నటించిన పురుషన్ ఎనక్కు అరసన్ అనే చిత్రాన్ని నిర్మించి ప్రేక్షకుల హృదయాలను గెలుచుకున్నారు.

రోజామలరే, అడడా ఎన్న అళగు, తీ ఇవన్ వంటి చిత్రాలను స్వయంగా నిర్మించి దర్శకత్వం వహించారు. ప్రతి చిత్రంలో ఆయన కథా విన్యాసం, సాంకేతికత, భావోద్వేగాలకు ప్రాధాన్యం ఇచ్చారు. జయమురుగన్ అకాల మరణం సినీ రంగానికి తీరని నష్టం. ఆయన శైలిని అభిమానించే వారు ఆయనను గుర్తుచేసుకుంటూనే ఉంటారు.