వరుస సినిమాలతో బిజీగా ఉన్న టాలీవుడ్ యువ కథానాయిక శ్రీలీల (Sreeleela), తాజాగా ఓ ఇంటర్వ్యూలో తన పెళ్లి, కాబోయే భర్త లక్షణాలపై స్పష్టమైన వ్యాఖ్యలు చేసింది. ప్రస్తుతం పవన్ కళ్యాణ్ “ఉస్తాద్ భగత్ సింగ్” (Ustaad Bhagat Singh), రవితేజ (Ravi Teja) “మాస్ జాతర” (Mass Jathara) వంటి చిత్రాలలో నటిస్తూ బిజీగా ఉన్న శ్రీలీల, తన వ్యక్తిగత విషయాలను పంచుకుంది.
“నాకు కాబోయే వ్యక్తి అందంగా ఉండాల్సిన అవసరం లేదు. కానీ, నన్ను అర్థం చేసుకునే మనసు, నిజాయితీ ముఖ్యం. నా సినీ కెరీర్ను గౌరవిస్తూ, ప్రేమతో నన్ను ప్రోత్సహించే, సరదాగా ఉండే వ్యక్తిని పెళ్లి చేసుకుంటాను” అని స్పష్టం చేసింది.
గ్లామర్ రోల్స్పై స్పందన: వరుస ఆఫర్లను తిరస్కరించడం గురించి మాట్లాడుతూ.. “కేవలం గ్లామర్ పాత్రల కంటే, నటనకు ప్రాధాన్యం ఉన్న పాత్రలు చేయాలనుకుంటున్నాను. అలాంటి పాత్ర దొరికితే ఎలాంటి సినిమాలోనైనా నటించడానికి సిద్ధంగా ఉన్నాను” అని వెల్లడించింది. శ్రీలీల చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. అభిమానులు ఆమె ఆత్మవిశ్వాసాన్ని ప్రశంసిస్తున్నారు.
సీటు త్యాగం చేసిన వర్మకు సొంత పార్టీలోనే ‘షాక్’