కార్తీ (Karthi) హీరోగా, పీఎస్ మిత్రన్ (P. S. Mithran) దర్శకత్వంలో తెరకెక్కిన ‘సర్దార్’(Sardar) సినిమా ఎంతటి విజయాన్ని అందుకుందో ప్రత్యేకంగా చెప్పాల్సిన అవసరం లేదు. స్పై యాక్షన్ ఎలిమెంట్స్తో(Spy Action Elements) పాటు బలమైన సోషల్ మెసేజ్ను కలిపి తెరకెక్కించిన ఆ సినిమా తమిళంతో పాటు తెలుగులోనూ మంచి ఆదరణ సొంతం చేసుకుంది. దీంతో దాదాపు నాలుగేళ్ల తర్వాత అదే కాంబినేషన్లో ‘సర్దార్ 2’(Sardar 2) తెరకెక్కింది. కార్తీకి జోడీగా ఆషికా రంగనాథ్, మాళవికా మోహనన్ నటించగా.. ఎస్.జే. సూర్య, నాజర్, ఆశిష్ విద్యార్థి, అచ్యుత్ కుమార్, యోగిబాబు తదితరులు కీలక పాత్రలు పోషించారు.
‘సర్దార్’కు ఉన్న క్రేజ్, సీక్వెల్ కావడంతో సినిమాపై అంచనాలు భారీగానే ఉన్నాయి. మరి ఎన్నో అంచనాల మధ్య ప్రేక్షకుల ముందుకు వచ్చిన ‘సర్దార్ 2’ ఎలా ఉంది? తొలి భాగం స్థాయిలో మెప్పించిందా? తెలుసుకుందాం.
కథేంటి?
సీనియర్ రా ఏజెంట్ (Senior RAW Agent) వాల్రస్ (Walrus) (అచ్యుత్ కుమార్) అండర్గ్రౌండ్లోకి వెళ్లిపోవడంతో అతని కోసం రా బృందం గాలిస్తుంటుంది. అతన్ని పట్టుకునేందుకు చేపట్టిన అండర్కవర్ ఆపరేషన్లో తన పైఅధికారికి తెలియకుండా కింది స్థాయి రా ఏజెంట్ విజయ్ (కార్తీ) పాల్గొంటాడు. ఈ ఆపరేషన్లో అతనికి ఫైజా(Faiza) (ఆషికా రంగనాథ్) ఎదురవుతుంది.
వాల్రస్ను పట్టుకునే సమయంలో ఓ టెర్రరిస్ట్ దాడి చేయడంతో పరిస్థితులు అనూహ్యంగా మారతాయి. ఈ ఘటనలో వాల్రస్ మరణిస్తాడు. పైఅధికారి అనుమతి లేకుండా ఆపరేషన్లో పాల్గొన్న విజయ్, అతని టీమ్పై ఎంక్వైరీ కమిషన్ వేస్తారు. అయితే చనిపోయే ముందు వాల్రస్ విజయ్ను చూసి అతన్ని ‘సర్దార్’గా భావించి ఓ కీలకమైన కీని అతని చేతిలో పెడతాడు.
మరోవైపు సీనియర్ రా ఏజెంట్ జారా (మాళవికా మోహనన్) బాంబు పేలుడులో చనిపోయిందని ఆమె కూతురు ఫైజా భావిస్తుంది. అయితే చనిపోయే ముందు జారా పంపిన గిఫ్ట్ బాక్స్ ద్వారా విజయ్కు మరో కీలకమైన క్లూ దొరుకుతుంది. ఈ విషయాలన్నింటి వెనుక ‘బ్లాక్ డాగర్’ యోగి (ఎస్.జే. సూర్య) ఉన్నాడని విజయ్ తెలుసుకుంటాడు. అసలు బ్లాక్ డాగర్ ఎవరు? రా ఏజెంట్లను ఎందుకు టార్గెట్ చేస్తున్నాడు? ఆపరేషన్ డోకు (DOKU) ఏంటి? సర్దార్ నిజంగానే చనిపోయాడా? విజయ్ ఈ మిషన్ను ఎలా పూర్తి చేశాడు? ఈ ప్రశ్నలకు సమాధానమే మిగిలిన కథ.
ఫస్ట్ హాఫ్..
‘సర్దార్ 2’ ప్రారంభమైన కొద్దిసేపు కథను అర్థం చేసుకోవడంలో కాస్త కన్ఫ్యూజన్ అనిపిస్తుంది. ముఖ్యంగా మొదటి భాగం చూసి చాలా కాలం అయిన వారికి పాత్రలు, గత కథతో ఉన్న లింక్ వెంటనే అర్థం కాకపోవచ్చు. అయితే కథ ముందుకు వెళ్లే కొద్దీ దర్శకుడు ఒక్కో అంశాన్ని ఎస్టాబ్లిష్ చేస్తూ ఆసక్తిని పెంచాడు.
ఫస్ట్హాఫ్లో ప్రధానంగా ఓ మిషన్ చుట్టూనే కథ తిరుగుతుంది. వాల్రస్, విజయ్, ఫైజా, జారా, బ్లాక్ డాగర్ పాత్రలను పరిచయం చేస్తూ కథను ముందుకు తీసుకెళ్లిన విధానం బాగుంది. ఫ్లాష్బ్యాక్ ఎపిసోడ్, యాక్షన్ సన్నివేశాలు, ఇంటర్వెల్ బ్యాంగ్ సినిమాపై ఆసక్తిని పెంచుతాయి. మొత్తంగా ఫస్ట్హాఫ్ వరకు సినిమా ప్రేక్షకులను ఎంగేజ్ చేస్తుంది. ఇంటర్వెల్ తర్వాత ఏం జరుగుతుందనే ఆసక్తిని కూడా క్రియేట్ చేస్తుంది.
సెకండాఫ్..
ఫస్ట్హాఫ్ ఆసక్తికరంగా సాగినప్పటికీ.. ఇంటర్వెల్ తర్వాత సినిమా వేగం తగ్గుతుంది. ముఖ్యంగా ఎస్.జే. సూర్య విలన్ ట్రాక్, వరుస యాక్షన్ ఎపిసోడ్స్ కథను మరింత హెవీగా మార్చాయి. స్పై యాక్షన్ సినిమాకు అవసరమైన థ్రిల్ కంటే కొన్ని చోట్ల యాక్షన్ డోస్ ఎక్కువైనట్టు అనిపిస్తుంది. కొన్ని యాక్షన్ సీన్లు లాజిక్కు మించి సాగుతున్నాయనే ఫీలింగ్ కలుగుతుంది.
ప్రీ క్లైమాక్స్, క్లైమాక్స్ విషయంలో కూడా ఇదే సమస్య కనిపిస్తుంది. సింపుల్గా ముగించాల్సిన కథను దర్శకుడు మరింత సాగదీశాడనే భావన కలుగుతుంది. దాదాపు మూడు గంటల రన్టైమ్ కూడా ప్రేక్షకుల సహనాన్ని పరీక్షించే అంశమే. ఫస్ట్హాఫ్లో బాగా వర్కౌట్ అయిన ఎమోషన్స్ను సెకండాఫ్ వరకు అదే స్థాయిలో క్యారీ చేయలేకపోవడం కూడా మైనస్. దీంతో సెకండాఫ్లో ప్రేక్షకుల ఎంగేజ్మెంట్ తగ్గే అవకాశం ఉంది.
కార్తీ ఎలా చేశాడంటే?
కార్తీ గురించి ప్రత్యేకంగా చెప్పాల్సిన అవసరం లేదు. నేచురల్ పెర్ఫార్మర్గా మరోసారి ఆకట్టుకున్నాడు. విజయ్, సర్దార్ పాత్రల్లో తన వేరియేషన్స్ను చూపించే ప్రయత్నం చేశాడు. అయితే సర్దార్ పాత్రకు వేసిన మేకప్ అంతగా సెట్ కాలేదనే ఫీలింగ్ కలుగుతుంది. కొన్ని చోట్ల డబ్బింగ్ కూడా పాత్రకు పూర్తిగా మ్యాచ్ కాలేదనిపిస్తుంది. ముఖ్యంగా మొదటి భాగంలోని పాత్రలతో సీక్వెల్లో ఉన్న కొన్ని కనెక్షన్స్ విషయంలో లాజిక్ మిస్సైనట్టు అనిపిస్తుంది.
ఆషికా రంగనాథ్కు యాక్షన్తో కూడిన పాత్ర దక్కినా.. ఆమె క్యారెక్టర్కు పెద్దగా డెప్త్ లేదు. మాళవికా మోహనన్ మాత్రం తన గత గ్లామర్ పాత్రలకు భిన్నంగా కనిపించింది. యాక్షన్ సన్నివేశాల్లోనూ బాగానే చేసింది.
ఎస్.జే. సూర్య తనదైన స్టైల్లో విలన్గా మెప్పించాడు. అయితే కొన్ని సన్నివేశాల్లో అతని నటన లౌడ్గా అనిపిస్తుంది. కొన్ని డైలాగులు కూడా స్పష్టంగా అర్థం కాని సందర్భాలు ఉన్నాయి. యోగిబాబు కామెడీ కొన్ని చోట్ల ఫోర్స్డ్గా అనిపిస్తుంది. ఆశిష్ విద్యార్థి, నాజర్, అచ్యుత్ కుమార్, రజీషా విజయన్ తదితరులు తమ పరిధిలో బాగానే నటించారు.
ఇక మొదటి భాగంలో కీలకంగా కనిపించిన రాశీ ఖన్నా పాత్ర సీక్వెల్లో కనిపించకపోవడం కూడా ప్రేక్షకులకు ప్రశ్నగా మిగులుతుంది.
- టెక్నికల్గా ఎలా ఉంది?
- ‘సర్దార్ 2’కి ప్రొడక్షన్ వాల్యూస్ రిచ్గా ఉన్నాయి. స్క్రీన్పై నిర్మాతలు పెట్టిన ఖర్చు స్పష్టంగా కనిపిస్తుంది. సినిమాటోగ్రఫీ బాగుంది. స్పై యాక్షన్ కథకు తగ్గట్టుగా విజువల్స్ను డిజైన్ చేశారు.
- పాటలు లేకపోవడం సినిమాకు ఒక రకంగా ప్లస్ పాయింట్. అయితే బ్యాక్గ్రౌండ్ స్కోర్ మాత్రం మొదటి భాగం స్థాయిలో ఇంపాక్ట్ ఇవ్వలేకపోయింది. స్పై థ్రిల్లర్కు అవసరమైన టెన్షన్, థ్రిల్ను మరింత పెంచేలా బీజీఎం ఉంటే సన్నివేశాలు ఇంకా బలంగా అనిపించేవి.
- ఎడిటింగ్పై ఇంకాస్త దృష్టి పెట్టాల్సింది. ముఖ్యంగా మూడు గంటలకు దగ్గరగా ఉన్న రన్టైమ్ కారణంగా సెకండాఫ్లో ల్యాగ్ ఎక్కువగా అనిపిస్తుంది.
చివరికి ఎలా ఉంది?
‘సర్దార్ 2’ ఆసక్తికరమైన పాయింట్తో మొదలవుతుంది. ఫస్ట్హాఫ్లో స్పై ఎలిమెంట్స్, మిషన్, ఫ్లాష్బ్యాక్, ఇంటర్వెల్ బ్యాంగ్ వంటి అంశాలు ప్రేక్షకులను ఆకట్టుకుంటాయి. కానీ సెకండాఫ్లో కథను మరింత విస్తరించడం, విలన్ ట్రాక్, ఎక్కువ యాక్షన్, లెంగ్తీ క్లైమాక్స్ సినిమాకు మైనస్గా మారాయి.
అన్నింటికంటే ముఖ్యంగా దర్శకుడు మిత్రన్ ఎంచుకున్న సోషల్ పాయింట్ మాత్రం ఆసక్తికరంగా ఉంది. దాన్ని మరింత కట్టుదిట్టమైన స్క్రీన్ప్లేతో చెప్పి ఉంటే ‘సర్దార్ 2’ స్థాయి మరింత పెరిగేది.
రేటింగ్ : 2/5
