అక్కినేని అఖిల్ హీరోగా నటించిన మోస్ట్ అవేటెడ్ కమర్షియల్ యాక్షన్ ఎంటర్టైనర్ ‘లెనిన్’ ఈరోజు ప్రపంచవ్యాప్తంగా ప్రేక్షకుల ముందుకు వచ్చింది. ఈ సందర్భంగా స్టార్ హీరోయిన్ సమంత రూత్ ప్రభు సోషల్ మీడియా వేదికగా చిత్ర బృందానికి, ముఖ్యంగా అఖిల్కు ప్రత్యేక శుభాకాంక్షలు తెలియజేయడం హాట్ టాపిక్గా మారింది.
“ఆల్ ది బెస్ట్ అఖిల్ అండ్ లెనిన్ టీమ్.. ఇప్పటికే బ్లాక్బస్టర్ వైబ్స్ కనిపిస్తున్నాయి” అంటూ సమంత చేసిన పోస్ట్ నెటిజన్ల దృష్టిని ఆకర్షించింది. సినిమా విడుదల రోజున సమంత చేసిన ఈ విషెస్ ప్రస్తుతం సోషల్ మీడియాలో వైరల్గా మారాయి.
నాగచైతన్యతో విడాకుల తర్వాత కూడా అక్కినేని కుటుంబ సభ్యులతో సమంత పరస్పర గౌరవాన్ని కొనసాగిస్తోందనే చర్చ మరోసారి మొదలైంది. ఇటీవల సమంత నటించిన ‘మా ఇంటి బంగారం’ సినిమా విజయంపై అఖిల్ కూడా ప్రమోషన్స్ సమయంలో అభినందనలు తెలియజేయగా, ఇప్పుడు ‘లెనిన్’ విడుదల సందర్భంగా సమంత స్పందించడం అభిమానులను ఆకట్టుకుంది.
వ్యక్తిగత జీవితాలు వేరైనా పరస్పర గౌరవం, మంచి అనుబంధం కొనసాగుతుందంటూ నెటిజన్లు ప్రశంసలు కురిపిస్తున్నారు. సమంత చేసిన ఈ ఒక్క పోస్ట్ ప్రస్తుతం సినీ వర్గాల్లోనూ, సోషల్ మీడియాలోనూ విస్తృత చర్చకు దారితీసింది.
