భారతదేశంలో రేబిస్ వ్యాధి వల్ల మరణాల సంఖ్య పెరుగుతోంది. ప్రపంచ ఆరోగ్య సంస్థ (WHO) విడుదల చేసిన నివేదిక ప్రకారం, ప్రపంచవ్యాప్తంగా రేబిస్ మరణాల్లో 36% భారత్లోనే చోటుచేసుకుంటున్నాయి. అధికారిక గణాంకాల ప్రకారం, దేశంలో నమోదవుతున్న రేబిస్ కేసుల్లో 30-60% బాధితులు 15 ఏళ్ల లోపు పిల్లలే. పిల్లలు కుక్క కాటు విషయాన్ని పెద్దలకు చెప్పకపోవడం, తగిన వైద్య చికిత్స పొందకపోవడం మృతికి ప్రధాన కారణాలుగా చెబుతున్నారు.
2024లో దేశవ్యాప్తంగా 5.19 లక్షల కుక్క కాటు కేసులు నమోదయ్యాయి, వీటిలో ఎక్కువ బాధితులు చిన్నారులే. ప్రభుత్వం తెలిపిన వివరాల ప్రకారం, నగరాల్లో వీధి కుక్కలకు సరైన టీకాలు వేయకపోవడం రేబిస్ వ్యాప్తికి ప్రధాన కారణం. 2030 నాటికి భారతదేశాన్ని రేబిస్ రహితంగా మార్చే లక్ష్యంతో, ఆరోగ్య మంత్రిత్వ శాఖ ఇప్పటికే 24 రాష్ట్రాలు/కేంద్రపాలిత ప్రాంతాల్లో రేబిస్ను గుర్తించదగిన వ్యాధిగా ప్రకటించింది.
రేబిస్ మరణాల్లో గణనీయమైన పెరుగుదల
- 2022లో దేశవ్యాప్తంగా 21.80 లక్షల కుక్క కాటు కేసులు నమోదయ్యాయి. రేబిస్ కారణంగా 21 మంది మరణించారు.
- 2023లో కేసుల సంఖ్య 30.43 లక్షలు కాగా, మరణాల సంఖ్య 50.
- 2024లో కుక్క కాటు కేసులు 21.95 లక్షలకు చేరగా, మరణాల సంఖ్య 54కి పెరిగింది.
- ప్రతి నెల సగటున 4 మంది రేబిస్తో మృతి చెందుతున్నారు, అందులో మహారాష్ట్ర నుంచి కనీసం ఒక్కరు ఉంటున్నారు.
కేంద్ర ఆరోగ్య మంత్రిత్వ శాఖ గణాంకాల ప్రకారం, రేబిస్ మరణాల సంఖ్య 2.5 రెట్లు పెరిగింది. ప్రజల్లో అవగాహన పెంచడం, వీధి కుక్కల టీకా కార్యక్రమాలను సమర్థవంతంగా అమలు చేయడం అత్యవసరమని నిపుణులు సూచిస్తున్నారు.
సీటు త్యాగం చేసిన వర్మకు సొంత పార్టీలోనే ‘షాక్’