కాళ్ల బేరానికి వ‌చ్చిన పాక్‌.. నీటి ఎద్దడిపై భారత్‌కు లేఖ

జమ్మూ కాశ్మీర్‌ (Jammu & Kashmir) లోని పహల్గామ్‌ (Pahalgam) లో జరిగిన ఉగ్రదాడి (Terror Attack) లో 26 మంది అమాయకులు ప్రాణాలు కోల్పోవడంతో, భారత్-పాకిస్థాన్ (India-Pakistan) మధ్య ఉద్రిక్తతలు తీవ్రస్థాయికి చేరాయి. ఈ దాడికి ప్రతీకారంగా, భారత్ 1960లో కుదిరిన సింధు జలాల ఒప్పందాన్ని (Indus Waters Treaty) తాత్కాలికంగా నిలిపివేసింది, పాకిస్థాన్‌కు నీటి సరఫరాను అడ్డుకుంది. ఈ నిర్ణయం పాకిస్థాన్‌లో తీవ్ర నీటి కరవును రేకెత్తించింది, పాకిస్థాన్ వ్యాప్తంగా నీటి సంక్షోభం భ‌యాన‌క వాతావ‌ర‌ణాన్ని సృష్టిస్తోంది.

పహల్గామ్ దాడి తర్వాత, భారత్ మే 7, 2025న ‘ఆపరేషన్ సిందూర్’ (Operation Sindoor) పేరుతో పాకిస్థాన్ ఆక్రమిత జమ్మూ కాశ్మీర్‌లో తొమ్మిది ఉగ్రవాద కేంద్రాలపై దాడులు చేసింది. ఈ చర్యలు రెండు దేశాల మధ్య యుద్ధ వాతావరణాన్ని సృష్టించాయి. సరిహద్దుల్లో ఉద్రిక్తతలు పెరిగాయి. అమెరికా (USA) జోక్యంతో జరిగిన దౌత్య చర్చల తర్వాత, ఇరు దేశాలు కాల్పుల విరమణకు అంగీకరించాయి, దీంతో పరిస్థితులు కొంత సద్దుమణిగాయి.

ఈ నేపథ్యంలో, పాకిస్థాన్ భారత్‌కు లేఖ (Letter) రాసింది. సింధు జలాల ఒప్పందంపై (Indus Waters Treaty) పునఃసమీక్ష (Review) నిర్వహించాలని కోరింది. ఒప్పందం నిలిపివేత వల్ల తమ దేశం తీవ్ర నీటి ఎద్దడిని ఎదుర్కొంటున్నట్లు లేఖలో పేర్కొంది. వాతావరణ మార్పులు, నీటి కొరత వంటి సమకాలీన సవాళ్లను ఎదుర్కోవడానికి ఒప్పందంలో సవరణలు అవసరమని, డేటా షేరింగ్ మరియు సమన్వయ చర్యలను చేర్చాలని పాకిస్థాన్ సూచించింది. భారత్ ఈ లేఖపై ఇంకా అధికారికంగా స్పందించలేదు.

కాగా, పాకిస్థాన్ లేఖ‌పై సోష‌ల్ మీడియాలో నెటిజ‌న్లు ఆగ్ర‌హం వ్య‌క్తం చేస్తున్నారు. భార‌త ఆర్మీ జ‌వాన్ల‌ను, అమాయ‌క టూరిస్టుల‌పై కాల్పులు జ‌రిపిన ఉగ్ర‌వాద దేశానికి నీళ్లు ఇచ్చే స‌మ‌స్యే లేద‌ని కొంద‌రు కామెంట్లు పెడుతున్నారు. గొంతు ఎండే స‌రికి పాకిస్థాన్ కాళ్ల బేరానికి వ‌చ్చింద‌ని కొంద‌రు కౌంట‌ర్లు వేస్తున్నారు. మ‌రి ఈ లేఖ‌పై భార‌త ప్ర‌భుత్వం ఎలా స్పందిస్తుందో వేచి చూడాలి.