న్యూజిలాండ్‌తో క్రైస్ట్‌చర్చ్‌లో జరుగుతున్న తొలి టీ20లో 226 పరుగుల లక్ష్య ఛేదనలో భారత జట్టు కీలక దశలో ఒత్తిడిని ఎదుర్కొంది. మధ్య ఓవర్లలో మిచెల్ సాంట్నర్, మైకేల్ బ్రేస్‌వెల్ స్పిన్‌ ధాటికి భారత్‌ వికెట్లు కోల్పోయింది. తిలక్ వర్మ 6 పరుగులకే వెనుదిరగగా, ఇషాన్ కిషన్‌ను సాంట్నర్ పెవిలియన్‌కు పంపించాడు. దీంతో భారత జట్టు లక్ష్య ఛేదనలో ఇబ్బందుల్లో పడింది.
అయితే, శ్రేయస్ అయ్యర్‌, అక్షర్ పటేల్‌ కీలక భాగస్వామ్యంతో భారత్‌ మళ్లీ పోటీలోకి వచ్చింది. అక్షర్ 14 బంతుల్లో 24 పరుగులు చేసి జట్టుకు అండగా నిలిచాడు. అతడు ఔటైనప్పటికీ అయ్యర్‌ దూకుడుగా ఆడుతూ 16 బంతుల్లో 28 పరుగులతో క్రీజులో కొనసాగాడు. చివరి ఐదు ఓవర్లలో భారత్‌ విజయానికి 55 పరుగులు అవసరమైన నేపథ్యంలో మ్యాచ్‌ ఉత్కంఠగా మారింది.
