ఇంగ్లండ్ మాజీ ఆల్రౌండర్ మొయిన్ అలీ ఐపీఎల్ను కాదని పాకిస్తాన్ సూపర్ లీగ్ (పీఎస్ఎల్)ను ఎంచుకోవడం క్రికెట్ ప్రపంచంలో హాట్ టాపిక్గా మారింది. సాధారణంగా ఐపీఎల్నే ప్రపంచంలో అత్యంత ప్రతిష్టాత్మక లీగ్గా భావించే సమయంలో అలీ తీసుకున్న ఈ నిర్ణయం అభిమానులను ఆశ్చర్యానికి గురి చేసింది. 38 ఏళ్ల వయసులో కూడా తన ఆటను కొనసాగించాలనే ఉద్దేశంతో, ఎక్కువ మ్యాచ్ టైమ్, బ్యాటింగ్ అవకాశాలు లభించే పీఎస్ఎల్ వైపు మొగ్గు చూపినట్లు ఆయన వెల్లడించాడు. గత ఐపీఎల్ సీజన్లో కోల్కతా నైట్ రైడర్స్ తరఫున పరిమిత అవకాశాలే దక్కడం కూడా ఈ నిర్ణయానికి కారణంగా మారింది.
కరాచీ కింగ్స్ తరఫున ఆడుతున్న మొయిన్ అలీ, “నేను ఎక్కువగా మైదానంలో ఉండి నా ఆటను ఆస్వాదించాలనుకుంటున్నాను” అని స్పష్టం చేశాడు. కుటుంబానికి సమయం ఇవ్వడంతో పాటు కెరీర్ను ఇంకా కొన్నేళ్లు కొనసాగించాలనే ఆలోచనతోనే ఈ మార్పు చేసినట్లు తెలిపాడు. ఐపీఎల్కు బదులుగా పీఎస్ఎల్ను ఎంచుకోవడం క్రికెట్ ఫ్యాన్స్ మధ్య విభిన్న చర్చలకు దారి తీస్తోంది. ఒకవైపు ఐపీఎల్ ప్రాధాన్యం, మరోవైపు వ్యక్తిగత సంతృప్తి ఈ రెండింటి మధ్య సమతుల్యత కోసం అలీ తీసుకున్న నిర్ణయం ఇప్పుడు ట్రెండింగ్గా మారింది.
