కార్తీ (Karthi)కి తెలుగులో కూడా మంచి మార్కెట్ ఉంది, ఆయన నటించిన తమిళ సినిమాలు దాదాపు అన్నీ ఇక్కడ కూడా విడుదలవుతుంటాయి. ఈ నేపథ్యంలో, కార్తీ హీరోగా నటిస్తున్న తాజా తమిళ చిత్రం తెలుగులోనూ విడుదల కానుంది. తమిళ డైరెక్టర్ మలన్ కుమార్ స్వామి (Malan Kumar Swamy) దర్శకత్వంలో, స్టూడియో గ్రీన్ (Studio Green) బ్యానర్ పై కేఈ జ్ఞానవేల్ రాజా ఈ సినిమాను నిర్మిస్తున్నారు. ఇందులో కృతి శెట్టి (Krithi Shetty) హీరోయిన్గా నటిస్తోంది, అలాగే సత్యరాజ్, రాజకీయం ఆనందరావు, శిల్పా మంజునాథ్ వంటి వారు కీలక పాత్రలు పోషిస్తున్నారు. తమిళ సూపర్ స్టార్ ఎంజీఆర్ అభిమాని అయిన ఒక వ్యక్తి, తన మనవడైన కార్తీకి ఎంజీఆర్కు ఏదో ఒక ప్రత్యేక అనుబంధం ఉందని భావించే కథాంశంతో ఈ సినిమా రూపొందించబడింది.
ఈ సినిమాను డిసెంబర్ 12వ తేదీన తమిళంతో పాటు తెలుగులో కూడా ఏకకాలంలో విడుదల చేయబోతున్నారు. కొద్దిసేపట్లో ఈ సినిమా టైటిల్ను అధికారికంగా ప్రకటించనుండగా, తెలుగులో దీనికి ‘అన్నగారు వస్తారు’ (Annagaaru Vastaaru) అనే టైటిల్ను ఖరారు చేయబోతున్నట్లు తెలుస్తోంది. తెలుగులో ఎన్టీఆర్ను ‘అన్నగారు’ అని అభిమానులు ఎలా పిలుచుకుంటారో, తమిళంలో ఎంజీఆర్ను కూడా అలాగే ఆరాధిస్తారు. ఈ పోలిక నేపథ్యంలో, ఈ ‘అన్నగారు వస్తారు’ అనే టైటిల్ తెలుగు ప్రేక్షకులకు కరెక్ట్గా కనెక్ట్ అవుతుందని చిత్ర బృందం భావిస్తున్నట్లు సమాచారం.
‘చిన్నోడు.. పెద్దోడు’.. టీడీపీ మీడియాపై అంబటి సెటైర్లు