రిజర్వాయర్ భూనిర్వాసితుల (Reservoir Displaced Families) భూమిపైనే కూటమి (NDA Alliance)నేతలు కన్నేశారు. కదిరి మండలం(Kadiri Mandal) గట్లు ప్రాంతంలో సుమారు రూ.5 కోట్ల విలువైన భూమి కబ్జాకు (Encroachment)ప్రయత్నాలు జరుగుతున్నాయనే ఆరోపణలు కలకలం రేపుతున్నాయి. ఈ వ్యవహారంలో బీజేపీ మాజీ ఎమ్మెల్యే ఎంఎస్ పార్థసారథి (MS Parthasarathi) పేరు తెరపైకి వచ్చింది. చెర్లోపల్లి రిజర్వాయర్ భూ నిర్వాసితులకు కేటాయించిన ఇళ్ల స్థలాలపై టీడీపీ(TDP), బీజేపీ(BJP) నేతలు కన్నేశారంటూ ఆరోపణలు వినిపిస్తున్నాయి.
గట్లు ప్రాంతంలో భూ వ్యవహారానికి సంబంధించి రెవెన్యూ రికార్డులను (Revenue Records) రాత్రికి రాత్రే మార్చేశారనే ఆరోపణలు కూడా వస్తున్నాయి. భూమిపై హక్కులు(Land Rights), రికార్డుల మార్పుల (Record Changes) అంశం స్థానికంగా తీవ్ర చర్చకు దారితీసింది. ఈ భూ వ్యవహారంలో బీజేపీ మాజీ ఎమ్మెల్యే ఎంఎస్ పార్థసారథితో(MS Parthasarathi) సెటిల్ చేసుకోవాలంటూ కొందరు బెదిరింపులకు పాల్పడ్డారనే ఆరోపణలు ఉన్నాయి. దీనికి సంబంధించిన ఓ ఆడియో ప్రస్తుతం సోషల్ మీడియాలో వైరల్గా మారింది.
భూమి వ్యవహారం వెనుక బీజేపీ (BJP)మాజీ ఎమ్మెల్యే పార్థసారథితో (MS Parthasarathi) పాటు కదిరి టీడీపీ(TDP) ఎమ్మెల్యే కందికుంట ప్రసాద్ (Kandikaunta Prasad) సహకారం ఉందనే ఆరోపణలు కూడా వినిపిస్తున్నాయి. అయితే ఈ ఆరోపణలపై సంబంధిత నేతల అధికారిక స్పందన వెలువడాల్సి ఉంది.
చెర్లోపల్లి రిజర్వాయర్ భూ నిర్వాసితులకు (Cherlopalli Reservoir Displaced Families) కేటాయించిన ఇళ్ల స్థలాల విషయంలోనే ఈ వివాదం తలెత్తిందన్న ఆరోపణల నేపథ్యంలో.. అసలు భూముల రికార్డుల్లో ఏం మార్పులు జరిగాయి? వాటికి సంబంధించిన అనుమతులు, పత్రాలు ఏమిటి? భూములపై హక్కులు ఎవరికి ఉన్నాయి? అనే అంశాలపై అధికారుల నుంచి స్పష్టత రావాల్సి ఉంది.
సోషల్ మీడియాలో వైరల్ అవుతున్న ఆడియో, భూ రికార్డుల మార్పులపై సమగ్ర విచారణ జరిపి వాస్తవాలను బయటపెట్టాలని స్థానికులు కోరుతున్నారు.
