స్పెష‌ల్ ఫ్లైట్‌లో ముంబైకి కొడాలి నాని త‌ర‌లింపు

గుండె సంబంధిత స‌మ‌స్య‌ల‌తో బాధ‌ప‌డుతున్న వైసీపీ సీనియ‌ర్ నేత‌, మాజీ మంత్రి కొడాలి నాని (Kodali Nani) ని హుటాహుటిన ముంబై (Mumbai) కి త‌ర‌లించారు. డాక్ట‌ర్ల సూచ‌న‌ల మేర‌కు మెరుగైన వైద్య సేవ‌ల కోసం ప్ర‌త్యేక విమానం (Special Flight) లో కొడాలి నానిని ముంబైలోని ఓ ప్రైవేట్ ఆస్ప‌త్రికి త‌ర‌లించారు. ఇటీవ‌ల తీవ్ర అస్వ‌స్థ‌త‌కు గురైన కొడాలి నానిని కుటుంబ స‌భ్యులు హైద‌రాబాద్‌లోని ఏషియ‌న్ ఆస్ప‌త్రి (Asian Hospital) లో చేర్పించారు. గుండెలో మూడు వాల్వ్స్ లో బ్లాకులు ఉన్న‌ట్లుగా గుర్తించిన వైద్యులు సర్జరీ అవసరమని కుటుంబ స‌భ్యుల‌కు చెప్పిన‌ట్లుగా స‌మాచారం. గుండెకు సంబంధించి సమస్యతో బాధపడుతున్న కొడాలి నానిని, కొద్దిసేపటి క్రితం హైద‌రాబాద్ నుంచి ప్రత్యేక విమానంలో ముంబైలోని ఓ ప్రైవేట్ ఆస్ప‌త్రికి త‌ర‌లించారు.