నవీ ముంబైలోని డీవై పాటిల్ స్టేడియంలో నవంబర్ 2న దక్షిణాఫ్రికాపై విజయం సాధించి, భారతదేశానికి మొట్టమొదటి మహిళల ప్రపంచ కప్ టైటిల్ను అందించిన కెప్టెన్ హర్మన్ప్రీత్ కౌర్కు అరుదైన గౌరవం దక్కనుంది. ఈ చారిత్రక విజయాన్ని శాశ్వతం చేసేందుకు, ఆమె మైనపు విగ్రహాన్ని జైపూర్ నహర్గఢ్ కోటలోని జైపూర్ వాక్స్ మ్యూజియంలో ఏర్పాటు చేయనున్నారు. మ్యూజియం వ్యవస్థాపకులు అనూప్ శ్రీవాస్తవ ఈ విషయాన్ని అధికారికంగా ప్రకటించారు. హర్మన్ప్రీత్ కౌర్ ధైర్యం, క్రమశిక్షణ, మహిళా సాధికారతకు ప్రతీకగా ఈ విగ్రహం నిలుస్తుందని ఆయన తెలిపారు. ఈ ప్రతిష్టాత్మక విగ్రహాన్ని అంతర్జాతీయ మహిళా దినోత్సవం సందర్భంగా మార్చి 8, 2026న ఆవిష్కరించనున్నారు. విగ్రహం తయారీ పనులు ఇప్పటికే మొదలయ్యాయి.
ఈ కొత్త విగ్రహం ఏర్పాటుతో, జైపూర్ వాక్స్ మ్యూజియంలో భారతదేశానికి ప్రపంచ కప్ అందించిన ఇద్దరు కెప్టెన్ల విగ్రహాలు ఉంటాయి. ఇదివరకే ఎం.ఎస్. ధోని విగ్రహం ఇక్కడ ఉండగా, ఇప్పుడు ఆ గౌరవనీయమైన జాబితాలో హర్మన్ప్రీత్ కౌర్ కూడా చేరనున్నారు. వీరితో పాటు, క్రికెట్ దిగ్గజాలు సచిన్ టెండూల్కర్, విరాట్ కోహ్లీల మైనపు విగ్రహాలు కూడా ఈ మ్యూజియంలో ఉన్నాయి. కేవలం ప్రముఖులను కాకుండా, సమాజంలో స్ఫూర్తిగా నిలిచిన వ్యక్తులను గౌరవించడమే తమ లక్ష్యమని మ్యూజియం నిర్వాహకులు తెలిపారు.
సీటు త్యాగం చేసిన వర్మకు సొంత పార్టీలోనే ‘షాక్’