టాలీవుడ్లో ‘God of War’ సినిమాపై నడుస్తున్న చర్చ ఇటీవల కాలంలో అత్యధికంగా ఉంది. మొదటగా ఈ సినిమాను అల్లు అర్జున్ హీరోగా త్రివిక్రమ్ దర్శకత్వంలో తెరకెక్కనుందని ప్రకటించగా, బన్నీ ‘పుష్ప’ తర్వాత పాన్-ఇండియా మార్కెట్పై దృష్టి పెట్టడం వలన తెలుగు దర్శకులతో సినిమా చేయాలనో ఆసక్తి చూపలేదు. దాంతో త్రివిక్రమ్ ఈ కథను ఎన్టీఆర్ మీద తీర్చిదిద్దాలని నిర్ణయించుకున్నారు. ఎన్టీఆర్ కథను అంగీకరించి, కుమారస్వామి సంబంధిత పుస్తకాన్ని చదివి, మీడియా ద్వారా ఫిక్స్ అని ప్రకటించడంతో ఫ్యాన్స్ లో హల్ చల్ మొదలైంది. యుద్ధానికి అధిపతిగా, దైవ రూపంలో తారక్ నటన, స్క్రీన్ ప్రెజెన్స్ ఈ సినిమాకు ప్రధాన ఆకర్షణగా మారుతుందని అభిమానులు ఆశాభావం వ్యక్తం చేశారు.
ఇంతలో ‘God of War’ సినిమాని అల్లు అర్జున్ చేయనున్నట్లు కొన్ని బాలీవుడ్ మీడియా వర్గాలు ఫేక్ ప్రాపగాండా ప్రాచుర్యం చేయడంతో ప్రేక్షకుల్లో గందరగోళం ఏర్పడింది. అయితే, చివరికి సినిమా ఎన్టీఆర్ వద్దకు వెళ్ళి ఫిక్స్ అయ్యింది. ప్రస్తుతం తారక్ చేస్తున్న ప్రశాంత్ నీల్ సినిమాను జూన్ 2026 నాటికి పూర్తి చేసి, వెంటనే ‘God of War’ సెట్స్పైకి వెళ్లే అవకాశం ఉంది. ఈ సమయంలో త్రివిక్రమ్ ప్రస్తుతం చేస్తున్న వెంకీ సినిమా పూర్తి చేసిన తర్వాత, ప్రీ-ప్రొడక్షన్ పనులను పౌరాణిక చిత్రానికి సిద్ధం చేస్తున్నారు. హారిక హాసిని క్రియేషన్స్ మరియు సితార ఎంటర్టైన్మెంట్స్ సంయుక్తంగా ఈ సినిమాను పాన్-వరల్డ్ స్థాయిలో విడుదల చేయాలని ప్లాన్ చేస్తున్నారు.
