తెలంగాణ (Telangana) ముఖ్యమంత్రి (Chief Minister) రేవంత్ రెడ్డి (Revanth Reddy) భారతరత్న డాక్టర్ బి.ఆర్. అంబేద్కర్ (B. R. Ambedkar 135వ జయంతి సందర్భంగా హైదరాబాద్ (Hyderabad) ట్యాంక్బండ్ వద్ద అంబేద్కర్ విగ్రహానికి నివాళులు అర్పించారు. ఈ సందర్భంగా నిర్వహించిన సభలో మాట్లాడుతూ, అహింస మార్గంలో దేశాన్ని గెలవచ్చని మహాత్మా గాంధీ (Mahatma Gandhi) ప్రపంచానికి చూపించారని, సమాన అవకాశాల ద్వారా సమాజాన్ని అభివృద్ధి పథంలో నడపవచ్చని అంబేద్కర్ చాటి చెప్పారని పేర్కొన్నారు. గాంధీ, అంబేద్కర్ దేశానికి రెండు కళ్లులాంటి వారని కొనియాడుతూ, తమ ప్రభుత్వం అంబేద్కర్ ఆలోచనల (Ambedkar Ideology) ఆధారంగానే పనిచేస్తోందని స్పష్టం చేశారు.
అంతేకాకుండా, దళితులు, గిరిజనులు, బీసీలకు తమ ప్రభుత్వం అధిక ప్రాధాన్యత ఇస్తోందని సీఎం వివరించారు. కేబినెట్లోనూ (Cabinet), కీలక పదవుల్లోనూ వారికి అవకాశాలు కల్పిస్తున్నామని, భట్టి విక్రమార్క వంటి నేతలు సమర్థవంతంగా పనిచేస్తున్నారని తెలిపారు. గత పదేళ్ల పాలనతో పోల్చితే తమ రెండేళ్ల పాలనలోనే గణనీయమైన మార్పులు తీసుకువచ్చామని, ఉద్యోగాల పంపిణీలో 87 శాతం బీసీ, ఎస్సీ, ఎస్టీలకు దక్కాయని చెప్పారు. పేదలకు నాణ్యమైన విద్య అందించేందుకు ‘యంగ్ ఇండియా ఇంటిగ్రేటెడ్ స్కూల్స్’ వంటి కార్యక్రమాలు చేపట్టామని, తమపై జరుగుతున్న తప్పుడు ప్రచారాన్ని ప్రజలు గమనించాలని సీఎం రేవంత్ రెడ్డి కోరారు.
