వైసీపీ అధినేత, ఏపీ మాజీ ముఖ్యమంత్రి వైఎస్ జగన్ కుటుంబంలో విషాద ఛాయలు అలుముకున్నాయి. వైఎస్ జగన్ బంధువు, వైసీపీ నేత వైఎస్ అభిషేక్ రెడ్డి గచ్చిబౌలిలోని ఓ ప్రైవేట్ ఆస్ప‌త్రిలో చికిత్స పొందుతూ మృతిచెందారు. అనారోగ్యంతో గ‌త కొంత కాలంలో హైద‌రాబాద్‌లోని ఓ ప్రైవేట్ ఆస్ప‌త్రిలో చికిత్స పొందుతున్న వైఎస్ అభిషేక్‌రెడ్డి.. శుక్ర‌వారం మ‌ధ్యాహ్నం మృతిచెందిన‌ట్లు వైద్యులు ధ్రువీక‌రించారు.
ఈ వార్త వైఎస్ కుటుంబంలో తీవ్ర విషాదాన్ని మిగిల్చింది. అభిషేక్ రెడ్డి మృతితో వారి కుటుంబంలో విషాద‌ఛాయ‌లు అలుముకున్నాయి. అభిషేక్‌రెడ్డి భౌతిక‌కాయాన్ని పులివెందులకు తరలిస్తున్నారు. రేపు ఉదయం జ‌రిగే అభిషేక్‌రెడ్డికి అంత్యక్రియల్లో వైసీపీ అధ్యక్షుడు, మాజీ సీఎం వైఎస్ జగన్ పాల్గొననున్నారు.
