హీరో తేజ సజ్జా.. హైదరాబాద్‌లో గ్రాండ్‌గా నిశ్చితార్థం

హీరో తేజ సజ్జా.. హైదరాబాద్‌లో గ్రాండ్‌గా నిశ్చితార్థం

Summarize with AI

‘హను-మాన్’ సినిమాతో పాన్ ఇండియా స్థాయిలో భారీ విజయాన్ని అందుకున్న టాలీవుడ్ యువ హీరో తేజ సజ్జా త్వరలోనే ఓ ఇంటివాడు కాబోతున్నారు. హైదరాబాద్‌లో అత్యంత సన్నిహితులు, కుటుంబ సభ్యుల సమక్షంలో తేజ సజ్జా నిశ్చితార్థ వేడుక ఘనంగా జరిగింది.

హైదరాబాద్‌లో జరిగిన ఈ వేడుకకు పలువురు టాలీవుడ్ ప్రముఖులు హాజరై కాబోయే నూతన వధూవరులను ఆశీర్వదించారు. మాస్ మహారాజా రవితేజ, దగ్గుబాటి రానా, నటుడు శివాజీ తదితరులు ఈ నిశ్చితార్థ వేడుకలో ప్రత్యేక ఆకర్షణగా నిలిచి సందడి చేశారు.

ఈ వేడుకకు సంబంధించిన ఫోటోలు, వీడియోలు ప్రస్తుతం సోషల్ మీడియాలో వైరల్‌గా మారాయి. అభిమానులు, నెటిజన్లు తేజ సజ్జాకు శుభాకాంక్షలు తెలుపుతున్నారు.

తనకు కాబోయే జీవిత భాగస్వామి గురించి తేజ సజ్జా ఆసక్తికర విషయాలను పంచుకున్నారు. తనకు కాబోయే భార్యకు సినీ పరిశ్రమతో ఎలాంటి సంబంధం లేదని, ఆమె ఒక వ్యాపార కుటుంబానికి చెందిన యువతి అని తెలిపారు. ఆమె అమెరికాలో పెరిగారని, ఇది పూర్తిగా పెద్దలు కుదిర్చిన వివాహమని తేజ సజ్జా స్పష్టం చేశారు. ఇరు కుటుంబాల పెద్దలే ఈ సంబంధాన్ని నిశ్చయించారని పేర్కొన్నారు.

ఇక వీరి వివాహ వేడుక డిసెంబర్ నెలలో జరగనుంది. రాజస్థాన్‌లో ఈ పెళ్లి వేడుకను అత్యంత వైభవంగా, డెస్టినేషన్ వెడ్డింగ్ తరహాలో నిర్వహించేందుకు ఇరు కుటుంబాలు ముమ్మరంగా ఏర్పాట్లు చేస్తున్నట్లు సన్నిహిత వర్గాలు వెల్లడించాయి.

Join WhatsApp

Join Now

Leave a Comment