యంగ్ హీరో సుహాస్, సూరి ప్రధాన పాత్రల్లో తెరకెక్కుతున్న మోస్ట్ అవైటెడ్ మూవీ ‘మండాడి’. పడవ పందేల నేపథ్యంలో రూపొందుతున్న ఈ సినిమాపై ఇప్పటికే భారీ అంచనాలు నెలకొన్నాయి. తాజాగా ఓ ఇంటర్వ్యూలో సుహాస్ షూటింగ్ అనుభవాలను పంచుకున్నారు.
‘మండాడి’ క్లైమాక్స్ను దాదాపు 45 రోజుల పాటు సముద్రంలోనే చిత్రీకరించినట్లు సుహాస్ తెలిపారు. ప్రతిరోజూ ఉదయం సముద్రంలోకి వెళ్లి సాయంత్రానికి తిరిగి వచ్చేవారమని చెప్పారు. షూటింగ్ సమయంలో పలుమార్లు బోట్లు తిరగబడటం వంటి ప్రమాదాలు ఎదురయ్యాయని, నాలుగైదుసార్లు ప్రాణాలు పోయే పరిస్థితి వచ్చిందని వెల్లడించారు. “ఇక అయిపోయాం అనుకున్నాం” అంటూ ఆ భయానక అనుభవాలను గుర్తుచేసుకున్నారు.
ఎల్రెడ్ కుమార్ సమర్పణలో ఆర్ఎస్ ఇన్ఫోటైన్మెంట్ బ్యానర్పై మతిమారన్ పుగళేంది తెరకెక్కిస్తున్న ఈ చిత్రంలో మహిమా నంబియార్ హీరోయిన్గా నటిస్తున్నారు. సత్యరాజ్, రవీంద్ర విజయ్, మిథున్ తదితరులు కీలక పాత్రల్లో కనిపించనున్నారు. జి.వి. ప్రకాష్ కుమార్ సంగీతం అందిస్తున్న ‘మండాడి’ సెప్టెంబర్ 10న తెలుగు, తమిళం, కన్నడ, మలయాళం, హిందీ భాషల్లో పాన్ ఇండియా స్థాయిలో విడుదల కానుంది.
