ఆంధ్రప్రదేశ్లో(Andhra Pradesh) స్థానిక సంస్థల ఎన్నికల (Local Body Elections) షెడ్యూల్కు(Schedule) సంబంధించి సోషల్ మీడియాలో వైరల్ అవుతున్న ప్రచారంపై ఎన్నికల సంఘం (EC) కీలక హెచ్చరిక జారీ చేసింది. సోషల్ మీడియాలో ప్రచారం అవుతున్న ఎన్నికల తేదీలను (Election Dates) నమ్మొద్దని స్పష్టం చేసింది. అధికారిక ఎన్నికల చిహ్నాలు, లోగోలతో వైరల్ అవుతున్న షెడ్యూల్కు ఎలాంటి అధికారిక గుర్తింపు లేదని తేల్చిచెప్పింది.
స్థానిక సంస్థల ఎన్నికల షెడ్యూల్కు సంబంధించి సోషల్ మీడియాలో పలు తేదీలు, వివరాలు వైరల్ అవుతున్నాయి. అయితే వీటిలో ఏవీ ఎన్నికల సంఘం అధికారికంగా ప్రకటించినవి కాదని EC స్పష్టం చేసింది. అధికారిక చిహ్నాలు, లోగోలు ఉన్నంత మాత్రాన ఆ సమాచారాన్ని నిజమని (Genuine Information) భావించవద్దని సూచించింది.
ఎన్నికల షెడ్యూల్పై సోషల్ మీడియాలో వస్తున్న తప్పుడు సమాచారాన్ని(Fake Information) ప్రజలు నమ్మవద్దని, ఇతరులకు ఫార్వర్డ్ లేదా షేర్ చేయవద్దని ఎన్నికల సంఘం కోరింది. ఎన్నికలకు సంబంధించిన తప్పుడు సమాచారాన్ని ఉద్దేశపూర్వకంగా సృష్టించి, సోషల్ మీడియాలో ప్రచారం చేసే వారిపై కఠిన చర్యలు తీసుకుంటామని EC హెచ్చరించింది. ఎన్నికల ప్రక్రియకు సంబంధించి ప్రజల్లో గందరగోళం సృష్టించేలా తప్పుడు సమాచారాన్ని వ్యాప్తి చేయడం సరికాదని పేర్కొంది.
స్థానిక సంస్థల ఎన్నికలకు సంబంధించిన షెడ్యూల్, తేదీలు, ఇతర కీలక వివరాలను ఎన్నికల సంఘం అధికారికంగా ప్రకటించిన తర్వాతే అవి అమల్లోకి వస్తాయని స్పష్టం చేసింది. ఎన్నికల సమాచారాన్ని ప్రెస్ నోట్లు, అధికారిక ప్రకటనలు, ప్రెస్మీట్ల ద్వారా మాత్రమే వెల్లడిస్తామని EC తెలిపింది.
దీంతో సోషల్ మీడియాలో వైరల్ అవుతున్న ఎన్నికల తేదీలు, షెడ్యూల్ పోస్టుల విషయంలో ప్రజలు అప్రమత్తంగా ఉండాలని ఎన్నికల సంఘం సూచించింది. ఎన్నికలకు సంబంధించిన తాజా, ఖచ్చితమైన సమాచారం కోసం EC అధికారిక ప్రకటనలను మాత్రమే పరిగణనలోకి తీసుకోవాలని స్పష్టం చేసింది.
